نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Madr!d · #13 18/08/2012, 04:02 AM

طبعي في العيد مثل طبع الشباب اللي فوق يعني بعض النقاط مو كلهم

أحب أجلس لـ حالي بعد صلاة العيد قدام التلفزيون وهالشي جداً يريحني

فيه أشياء ما تعجبني بالعيد

من بينهم الأعياد اللي فيها زحمه , أكره هالشي بـ صراحة وغير كذا يطيح وجهك بعض الأحيان

يعني مثلاً بعض الأحيان تجي الناس لـ بيتكم وتبارك بالعيد وأنا أجي واقف أستقبلهم يمشون عشرين قدامي ولا يعطوني وجه وأنا يدي صارلي لي ساعتين وأنا أمدها

مدري يصير لكم هالموقف ؟

وأكره الزيارات البعيدة يعني كأني رايح لـ كشته في الثمامة

ولا في الأخير يطلع واحد ما تعرفه ويسألك من ولده و وش تصير لفلان وعلان ؟

ياخوي أنت عرفت أبوي ولا عرفتني

بالسبب هذا أكره الزيارات البعيدة اللي مالها داعي أبد لأني فعلاً أول مره أشوف واحد يعرف أبوي ولا يدري عن عياله

ومن الأشياء اللي تقهرني بالعيد [ الطراطيع ] صحيح لها ماضي جميل مع الطيبين

بس لما تكبر تحس أنها أشياء سقيمه جداً ولكن بعض الأحيان أسترجع الذكريات مع الطيبين والطراطيع ويقلب العيد حرب ونرمي على بيوت خلق الله

تقريباً اللي أسويه بالعيد هو أصلي ثم ناخذ قسط من الراحة في البيت ونبدأ نزور الأقارب اللي هم جدتي وأعمامي وعماتي وخوالي وغيرهم من المقربين جداً

أما اللي أقرب لهم من بعيد أحلى سيفون

المهم بالنسبه العيد هو عبارة عن زياره الأقارب الذي لم نراهم في طوال السنة إلا في يوم العيد

أما الأطفال بالنسبه لهم هالشي جميل جداً بما أنهم من عشاق الطراطيع وبالنسبه لنا هالأشياء سخيفه وطبيعي هالشي وبيصيرون البزران من الطيبين في السنوات القادمة

وجيل ورا جيل