منتدى الجمهور الهلالي يفضفض فيه الواحد بس أكيد بحدود المعقول والمنطق ولكل كلمة حسيب رقيب

اما قولة انهم يخلونها مديح في مديح تحت مظلة دعم فريقنا او نجلس ساكتين ونتفرج انا ما اؤويد

عزيزي حنا جمهور الهلال يا بعدي مو جمهور النصر او اي نادي ثاني منهاللي يدربون روسهم ولايدرون وين هم مولين

اللي لهم 15 سنه ماحققوا شي يبض الوجه وجمهور المغفل الى الحين يعبي المدرج ويمدح ويصفق

فريقنا وجمهورنا ولله الحمد والمنه ارقى من كل هذا مفروض لو تدهور الفريق يتوبخ وتوبيخ شديد وبحدود الأدب ملايين تصرف عليهم وللأسف الاغلب سملق

لازم الجمهور يكون له صوته لاننا مو اي فريق من دون الجماهير كان كل هالرؤساء واعضاء الشرف ماقربوا من النادي ولا كان شفنا نادي الرياض كلن يحلم برئاسته

عزيزي انا مع ان هناك كثير من المواضيع مامنها اي فايدة وصدقت خير الكلام ماقل ودل

لكن اتوقع جزء كبير منهم قام يكرر مواضيعه وردوده بتهجمه على بعض اللاعبين

الجمهور ياما سكت ومسك ارضه وياما تكلم والادارة اذن من طين واخرى عجين

عندك على سبيل المثال ماجد المرشدي من قبل 88 سنه والجمهور يطالب بتنسيقه

وكذلك نامي وحسن خيرات لكن ماحد يسمع لمطالب الجمهور عشان كذا اتمنى اشوف الصفحه الرئيسيه كلها مواضيع ضد اللي انا ذكرت اسمائهم

مانفعوا الفريق بشي ابدا ابدا والادارة المغفلة ماغير تكرم فيهم ومن عقد لعقد

لا والادهى لما تتنازل عن فلاته لفريق آخر وتخلي المرشدي وتضحي بشافي الدوسري وتخلي البارد الزوري
ويخلوا الزوري ويلعبوا الشهراني صانع ألعاب فريقنا هالسنه مايطمن زود عن كل سنه

وبصراحه اتمنى لو الامير عبدالرحمن ينهي رئاسته ويترك المجال لغيرة لبندر بن محمد مثلا