اول شي مشكور على موضوعك
بس من الظلم تحكم على لعيبة الهلال الاجانب من اول مباريات الموسم ..
انا معاك اداء مانجان فعلا سيئ ولم يقدم اي شي يذكر في المباراتين السابقه واخطاء بدائيه ..
ولكن اللاعب راجع من اصابه ويحتاج للمباريات حتى تعود حساسيته اكبر للكره ..
ثاني حاجه اللاعب جديد على ملاعبنا وعلى اجوائنا ودورينا فلازم تصبر عليه اكثر ..
كذالك لوبيز نفس الحكايه ولكنه قدم مستوى لا بأس به في المباراة الاولى له ويكفي انه صنع هدف من اول مباراة ..
وهالشي يخلي عند الواحد تفائل بما سيقدمه الفتره القادمه ..

نجي للمقارنه اللي عملتها وبتكلم تحديدا بالاجانب برضوا ما بطلع من هالموضوع ..

اجانب الشباب كلهم ليسوا غريبين على الدوري السعودي .. وحنا عندنا لاعبين جددين على الدوريو المنطقه ككل ..
كماتشو نرف من متى يلعب بالمنطقه وبالخليج وبالسعوديه تحديدا ..
تيجالي الموسم الفات مع الاتفاق ويعرف اجوائنا ودورينا ..
جيباروف و فيرناندو من الموسم اللي فات مع الشباب وعارفين الاوضاع والفريق ..

لما نجي لاجانبنا لاعبين جدد على المنطقه كلها اللي هم مانجان ولوبيز ..
ولاعبين معانا من الموسم اللي فات الكوري وهرماش ..

الكوري لم يلعب حتى الان بكم الاصابه ولا تقدر تحكم اداءه تطور معانا وسيقدم مستويات افضل بكثير من الموسم اللي فات او لا ..
وهرماش كلنا نعرف انه محور ليس بالدفاعي واللييمسك الخانه لحاله ..
مايبدعع هرماش الا اذا جنبه محور دفاعي مثل الغنام او القرني ..
وقتها نشوف اداء جيد جدا منه خصوصا من الناحيه الهجوميه ..

وكذالك لو رحنا لمدرب الشباب فهذا ثاني موسم له مع الفريق ومدربنا جديد على المنطقه كلها مثله مثل اللاعبين ..

فمن الظلم انك تحكم على هالاشياء والشخاص من اول مباراتين بالدوري ومع العلم ان الفريق كله سيئ من لاعبين محليين واجانب في اول جولتين ..
يعني لا اللاعبين المحليين ساعدوا اللعيبه الاجانب الجدد ولا اللي هم ساعدوا المدرب ..

بس ان شاء الله تتحسن الامور في الجولتين القادمه بعد العيد ان شاء الله ..
بالتوفيق للملكي ،،