- صبّحكم الله بـ الخير جميعاً ! في بداية كلامي .. اوجه اعتذاري لجميع اعذاء رابطتنا الخرافية , على انقطاعي في الفترة السابقة .. واللي كان بسبب ظروف السفر والتنقالات وما الى ذلك .. وايضاً احب ان اوجه شكري لـ جميع من ساهم برفع رابطتنا للاعلى ! وايضاً احب ان انوه اخيراً .. اني بغيب مرة ثانية والسبب هو السفر ايضاً .. وبإذن الله عودتي راح تكون بعد العيد ! ’, بخصوص فريقنا بصراحة شيء يرفع الضغط .. وانا اقصد وضع الفريق بـ السوق .. كل شوي وهم ناطين على لاعب .. والمشكلة يطلع السير ويتكلم عن مفاوضة الفريق .. وبعد مفاوضات طويلة وبعد ما يحمسون الجمهور .. يجي نادي غيرنا ويخطفه بيوم وليلة .. والسبب كم مليون الفريق ما زودها .. اولها هازارد واخرها مورا .. اللي اكثر من صحفي قال ان السير ما يبي يفرط فيه ويندم مثل ما فرط بـ رونالدينهو .. ’, بخصوص ابو بيرسي .. احس ان الاعلام ماخذنا طقطقة هم واخبارهم .. كل شوي وجايبين خبر .. كل شوي ويطلع لنا مصدر جديد .. بيرسي وضّح رغبته من اول انه ما يبي الاستمرار في ارسنال .. والان ما يفاوضه غيرنا بعد ما كرش السيتي واليوفي .. واللي قاهرني ليه السير ما يعطي فينقر اللي يبي وياخذه ويريحنا .. 5 مليون اعتقد ماهي صعبة مقارنة بمدخولات النادي المهولة .. مع العلم ان اخر الاخبار عنه ( الاشاعات ) تقول : ان ارسنال رفض عرض اليونايتد الثاني اللي كان عبارة عن 15 مليون على ما اعتقد .. واليونايتد الحين بصدد تقديم عرضه الجديد اللي هو 20 مليون + ويلباك لمدة سنة .. عالعموم اتمنى من الله العلي القدير .. ان يحسم موضوع بيرسي من بدري ويريحنا .. لاني ما ابي اشاعات الى اخر ساعة بالسوق مثل شنايدر .. واللي تعبتنا هالاشاعات نفسياً .. ’, شطحة مالها داعي .. انا غيرت جوالي البلاكبيري .. ونقلت لستتي لجوالي الجديد .. وللاسف حصلت لخبطة وانحذف من عندي تقريباً 30% .. فـ اللي حاب يضيفني .. ينبرش لي خاص !
