الظاهر اني باصير صديق ماجد المرشدي على شان يتوسط لي في العسكرية ههههههههههههههههههههههههههههههههههههه مادري وش ذا الحظ اللي معه اللي يفلق ام الصخر والله خلاص الى متى واحنا نسلك لماجد ولحسن
كان اول المفرج الله يذكره بالخير مبهذلنا وراح وقلنا المرشدي بيحل المشكلة ومع ذلك ماعندك احد حسن العتيبي من بعد نهائي 1418 وانا غاسل ايدي منه مع احترامي وتقديري له ولتاريخه ولا انكر ان الرجل قدم مستويات خرافية في الموسمين الفائتة بس خلاص في شراحيلي والسديري والشمري يعطونهم الفرصة بشكل متساوي يحطون واحد في الدوري واخر في الكاس والثالث في كاس الابطال كذا راح يصير كل اللاعبين ماخذين فرصتهم لكن تكتم اللاعبين وتخليهم في الاحتياط شلون يبون يستفيدون ويطورون مستوياتهم وهم في الدكة اتمنى تصحيح الاوضاع والحمد لله على كل حال وان شاء الله البداية المتواضعة للزعيم تكون حافز وداعم للاعبين انهم يقدمون افضل المستويات بعد فترة التوقف وبالتوفيق للازرق