| شفت اعادة مباراة الاتحاد والاتفاق
وجلست اقول بخاطري هذولي المحترفين الي يفرضون انفسهم من اول مباراة مو لاعبين انسجام وانسجام لانهم باختصار لاعبين صح ماعندهم اعذار وخرابيط
والغبنه الي جايبهم فريق مفلس مادياً وفيه من الصراعات ماالله به عليم ويكفي أن آخر خطوه له كانت التعاقد مع رئيس للنادي يعني تعاقداتهم تمت بدون وجود إداره اصلاً
وحنا ماغير تبطح بباريس وسواليف وتنظيرات بالتويتر واكبر راعي لفريق سعودي واخرتها فريق مايعرف ينظم هجمه وحده على فريقين من المؤخره
رئيس مايحمل اي فكر فني ماغير مطيح عند الفرنسيين ودوريهم المخيس الي ماكان يعرضه الا قناة غصب 2 من شينه
ويجيب من كديشهم ومضيع دراهم النادي عليهم وباليورو بعد والي قاهرني يتعاقد معهم لمده طويله للدرجه ذي ضامنهم يابو الشباب
والله يابي من القهر شيء كبير
لكن نقول الحمد لله وصبراً جميل والله المستعان على إدارة الفلس ومجايبها من العاهات
| 