هلا بك اخوي عسى الله يتقبل منآ ومنك صالح الاعمال ان شاء الله
موضوعك جاء على الجرح
مانجان والمرشدي اذا هذا مستواهم قدام الفتح وهجرر عز الله انجلطنااا قدام اولسان بيطقطقون علينا الكوريين والله العظيم باستطاعتنا العوده وبقوووه واقولها وانا متيقن ان الهلال يمرض ولايموت هذا نتيجه سوء الاعداد والتخبطات مو عيب الخطأ لاكن اتمنى من الاداره الشجاعه واصلآح الوضع المتأزم فالوضع لايطآق نحن مقبلين على بطوله قاريه وتشريف وطن امام فريق كوري مسوي الهوايل بالدوري الكوري يفوزون بالسته والخمسه يعني على الاقل المفروض نشوف المسلم اللي اعتبره صفقه ناجحه بديل للمرشدي لاكن ندفع 12 مليون ونجيب اللاعب من بدايه المعسكر وهو معنا وعنده طموح لانه قادم من فريق اقل امكانيات راح يبذل الغالي والنفيس ليفرض نفسه بس نتفاجأ ان اللاعب احتيآط للمرشدي يكفي مانقان اللي دبل تسسبدي البارح لاعب لايفقه ابجديات كره القدم كانه اول مره يطق كوره المدرب بيده الشي الكثير الزوري يجيد اللعب كقلب دفاع ليش مانشوفه بها المركز مانبي تخبطات بالفريق مب وقت الاخطاء ياناس حرام اي هجمه علينآ تشكل خطر كأننا نلعب بدون قلوب دفاع الواحد منهم تحس انه نابت بالارض مايعرف يتمركز
وسالم الدوسري نقطه ضعف كبيره بالفريق في المبارتين كلها ناهيك عن العتيبي اللي انتهت صلاحيته ...فيه اسامي ودي اشوفها بالتشكيل الاساسي العتيبي بديله يكون شراحيلي ...المرشدي بديله المسلم ....سالم الدوسري بديله عزوز <<عزوز لاعب يمتلك الفكر والمهاره الله لايضره وحنا نحتاج لاعب مثل هالعينه وليت فيه منه 10 بالفريق بالعربي ينهي لك مباراه متى ماكان الفريق بحاجته تلقاه في رسم الخدمه بس وين اللي يوظفه بالشكل الصحيح ولا حرام تلعبه وانت ماعندك محاور وقلوب دفاع