فريق يعسكر في اوربا ويجلب مدرب فرنسي كان متغلي علينا بعد عليش مدري ولاعبين اجانب ما يعرفون ابجديات الكوره لايوجد خطه واضحه لا ويقول المدرب انا خطتي هجوميه ولا صنع ولا هجمه وحده
لاعبين متهالكين ما يعرفون يقطعون كوره ولا يسلمون كوره وحده صح وعلى راسهم سلمان الفرج وسالم الدوسري ركض بدون فايده وعلى طاري الفرج عطوني كوره وحده مرره صح لا وتسبب في الهدف الثاني
اما الدفاع والحارس حدث ولا حرج وش ذا اللاعب الاجنبي عبدالقادر اللي صار المفرج نجم مقارنه فيه ولا لوبيز ما تدري وش يبي يبي يلعب او لا صايم معنا ماتدري
عموما انا الوم المدرب اللي مافي راسه شي بس يصفر ما تدري هو حكم خطته طقها والحقها
الله يستر اذا قابلنا الاتحاد والاهلي والشباب بصراحه صار الواحد يخربط وما يجمع كني لعب الهلال