إقتباس الرسالة الأصلية كتبت بواسطة mohammed al-yusuf مددري احس الموضوع مو مكانه هنا لكن بعلق على موضوعك (وين اروح اصدم السياره التي بجانبي علشان افتح الخط لحضرتك ) لا تصدم اللي جنبك .. ومن اللي خلاك تدخل المسار الايسر وانت مهدي .. واذا كنت بتسقط الطريق مو ملكك عشان تسقط متى ماتبي .. انتظر الين المسار يفضى وبعدين اسقط وأول ما تسقط ارجع لمسارك .. فيه ناس مستعجله وعندها اشغال مو كل الناس فاضيه ورايقه .. وعلى فكره دائما اسمع انه السرعه هي سبب الحوادث .. لكن بنفس الوقت بعض اللي يمسكون المسار الايسر وتلاقيه مو مسرع يتسبب في حوادث اكثر من اللي مسرع لكن عندنا شعب يحسبه بالشارع لوحده تلاقيه مره يمين ومره يسار خصوصا الكبار في السن من تجاوز سن الـ 50 تلاقيه يفكر بأم العيال وماسك المسار الايسر وساحب على الخلق .. يا عممي افتتح والله لو يسحبون الرخص من الكبار في السن تخف الحوادث لان سواقتهم مره سيئه وحتى نظرهم يكون ضعيف واحيانا السمع ايضا

لاتعال علمني اسوق يوليدي اكثر من 40سنه بس انت وربعك الله يهديكم مطافيق
انا لما اطوف سياره اصلا ماحولي احد ....لكن سرعاتكم بسم الله ماتدري الا هو جايك من وراء يكبس يكبس طيب انتظر لما اطوف سرعة اللي بجنبي يمكن 100 او 120 وسرعتي تكون ازود ب10كم او5كم واللي جاي توه سرعته 180 او200 اويمكن اكثر انا ماعندي استعداد اضغط على سيارتي بلحظه علشان افتح لك
اعلم من يكبس خلفي ورع لايتعدى ال25 يزيد قليلا اويقل ....هو فقط مايبغى يلمس البريك ابد عاكف رجله على المرتبه ومشغل رابح او راشد ولا هو حاس من يوجد بهذه السيارات