يعطيك العافية اخوي

والله ياخوي اني كل ماتصفح الجريدة اضحك عليهم وعلى تفاهاتهم بالذات المقالات متصورين اننا اطفال يستخف بعقولهم والله شي يقهر وجود امثال هالمستصحفين

الجريدة هاذي كانت للشهيل وكانت تطبع من الدمام وكانت حيادية والان انتقلت لجدة وطبعا البلوي مغرق كل صحفي بالفلوس واعماهم التعصب
من رئيس تحريرهم عبدالعزيز شرقي الى اصغر كويتب امثال البكيري وعبدالله جار المالكي وغيرهم كثير.

والله ياشباب عبدالعزيز شرقي اكبر منافق ومحابي كل مايكتب مقال اقول يارب عنوان المقالة يتغير لاني عارف عنوان المقال المعتاد الي هو:

سلطان الرياضة والخطط العلمية والمدروسة او عن اسير الشوق او عن البلوي.

واذا تبون تعرفون الشي الي يقهر اكثر اتوقع الكل يذكر الكاتب عاصم الي كان يكتب بعالم الرياضةوكان يكتب بكل حيادية والان انتقل للرياضي واصبح له زاوية بالصفحة الاخيرة بالجريدة والله انقلب حال الكاتب 180 درجة كل مقالاته من بعد مانتقل للجريدة فييها ريحة التعصب ومسخرة بكل ماهو هلال طبعا مايرد طلب البلوي ولازم يلحق الباقييين.

مشكور اخوي وكلامي الي قلته ماقلته من فراغ انا مشترك بالصحف وتاتيني الصحف واتابع من كل صوب ومنها هاذي الجريدة الي ماتعترف بالارباح خساير في خساير ماحد يشتريها ولكني اقرأها للاطلاع ومعرفة حقيقتهم.