معليش اخوي يا هلالي يا اللي كاتب الموضوع

بس الهلال ما بيوقف على لاعب
مشكلتنا حنا يا جمهور الهلال بالذات من بين الاندية اننا عاطفين يعني اذا حبينا لاعب وتعلقنا فيه خلاص مستحيل نفكر مجرد تفكير او نتصور اننا ممكن نستغني عنه

وفي نفس الوقت ننسى ان الهلال ما يوقف على لاعب والامثلة كثيرة :

قالوا الهلال انتهى بعد ابو يعقوب

قالوا الهلال انتهى بعد سامي

قالوا الهلال انتهى من بعد طارق التايب


قالوا الهلال انتهى بعد عبدالله الجمعان ما عنده مهاجمين



قالوا الهلال انتهى بعد عبدالله الشريدة ما فيه دفاع

قالوا الهلال انتهى بعد صالح النعيمة

قالوا الهلال انتهى بعد الدعيع ما فيه حراسة

قالوا الهلال انتهى بعد ويلهمسون ونيفيز ورادوي ومن قبلهم كماتشو وتفاريس

لاحظ اخوي ان كل اسامي اللاعبين اللي ذكرتهم لك حققوا انجازات وبطولات مع الهلال الفريدي يحلم انه يحققها مع الهلال وكل واحد منهم له وزنه وثقله مع الهلال ........ اذا بتتكلم عن المهارة يكفي بس البرنس الليبي طارق التايب والكل شاف وش يسوي وكيف مصخر الخصوم اللي الكل قال ان الهلال من بعده بيضيع لكن ما زالت السفينة تسير برجال الهلال المخلصين


وبعدين تعال الفريدي ايش سوا للهلال الموسم الماضي ؟

هدفين بس طول الموسم ويبي 7 مليون ....... واكثر من نص مباريات الموسم يلعب نص المبارة ويطلع والا ينزل بديل

لاعب كل همه انه يجيب هدف من فوق الحارس

لعبنا ايام زمان ايام الحواري ....... اجيب الكورة سقاطي على الحارس


تبي تامن مستقبلك من حقك ...... بس معليش اطلب المعقول