4-3-3

افضل مستويات اليوفي الموسم الماضي كانت عندما يلعب ابو الكونت بهالخطة .. والسبب ان الخطة تساعد على ذلك

ان بغيت استحواذ ان بغيت طقطقه ان بغيت حشر وضغط على حامل الكرة كلها بهالخطة ارجعوا للمبارياات اللي لعب

اليوفي ب 4-3-3 تعرفون مقصدي عندك مباراة ميلان مباراة الفيولا بأرضنا .



الملعب عادة بالشرح التكتيكي ينقسم ل 9 مربعات 3 بالدفاع 3 بالوسط و3 بالهجوم وافضل خطة تغطي جميع مربعات الملعب هي ال 4-3-3 فتشوق المدربين الي يبي يمسك اللعب يلعب بهالخطة مثل ماكان ارسنال قبل العام وبرشلونه السنين اللي راحت .

نجي لليوفي وتطبيقه للخطة ..


كونتي كان مايلعب بهالخطة الا اذا توفر له بيبي وفيدال بالتشكيلة الاساسية و السبب لأنهم افضل من يضغط على الخصم ماله داعي اتكلم عن فيدال لكن بيبي كان يؤدي دوره بفاعلية متناهية بسبب لياقته الغريبة واللي بسببها بديت اشك انه روح حمار بجسد ادمي

تواجد 3 بالامام متمثل بـ: بيبي - ماتري - فوزينتش كان يشكل ضغط على دفاع الخصم بحالة امتلاكهم للكورة وبهالحالة نشوف تشتيت عشوائي وترجع الكورة سريع للفريق .


غير ان المساحات بخطة 4-3-3 متقاربة لاتسمح للخصم بتناقل الكرة بسهولة .




على النقيض خطة 3-5-2 ماتدعم هالشيء ومثل ماتشوفون الفراغات الكبيرة الموجودة بالخطة وهذا يسمح للخصم بسهولة تناقل الكرة .. غير ان هالخطة دائم ماتنكب قدام فريق يلعب بمرتدات سريعة مثل ماشفنا بنهائي الكأس .




هالصورة تظهر لك فعالية الـ4-3-3 بالسيطرة والاستحواذ وكيفية تناقل الكرة بسهولة .. صحيح ان الخطة الثانية مهب 3-5-2 لكن تخيل انها هي تشوف الخطة عبارة عن مثلثات القلب مع المحور مع الظهير اليمين (اليسار) - القلبين مع المحور - صناع اللعب مع راس الحربة وعلى هالمنوال .. سلاسة بتناقل الكورة عكس الخطة المفضلة لكونتي !! غالبا تلقى صعوبة بخروج الكورة وخصوصا من الدفاع .

والان مع وجود جوفينكو اصبح اخير الجناح اليمين له فعالية هجومية بدال المعوق هجوميا بيبي