صراحة السنوات الاخيرة .. جمهور الهلال ماعاد يفرق ... بالذات في المباريات الكبيره والحاسمه... ما عاد يرعب الخصووم

جمهور مبرطم = ماتسمعه الا اذا ضاعت الهجمه ...

ويمكن اللعيبة صاروا يحبون اللعب خارج الارض بعيدا عن الجمهور ... يبون السلامه ..

الهلال x وبيروزي ... في الرياض = كاد الهلال ان ينهزم ...

الهلال x بيروزي .. في ايران = ابداع وطقطة ...

الهلال والاهلي( كاس الملك) في الرياض = الاهلي لعب فينا ...

الهلال والاهلي... في جده = كان المستوى افضل بكثييييييييير من الرياض ؟؟!!

الهلال والاتحاد في جده = المباراه انتهت 2-2

الهلال الاتحاد في الرياض = انهزمنا لولا الله ثم رجل المنتشري .. وباخر الدقايق ؟؟!!



بالعربي ... فكونا من التحطيم ... والانتقاد ... وشجعووااا رجوو الملعب .. ارعبوو الخصووم

ترى انتم قاعدين تقومون بمهمة ... جمهور النصر ... سبسبة.. في لاعبين الهلال .... هذا مايستاهل يلعب اساسي وهذا مايستاهل .. خمسمية ...

والا تجيبون لي احصائية اختراعات ..

واحد ناشر احصائيه للشلهووب ... في احد المواقع..

كم مره طاح بالكورة

كم مره شات الهواء ( زي شوتة عبد الغني )

كم مره انقطعت الكوره منه , كم مره جاء يبي يقطع كوره وصدم في الخصم وطاح

كم مره قطع كوره
-------------------------------------------------------------------------------------

وواحد ثاني ... احصائيه عن ياااسرر ... والاخر مسوي عن الفريدي ... ولا يهون الحارثي .. والزوري...


ليه كل هذا بالله بس عشان تفرقون بي اللعيبة ...؟؟؟ كل واحد يحب له لاعب ... يقوم ينتقص من الباقين ... ؟؟؟

صرتوا جمهور لعيبه ؟؟؟

اللي يبي ياسر ... واللي يبي الفريدي ... واللي يبي الحارثي ... واللي يبي الشلهوب.. واللي يبي العابد ... واللي يبي الزوري ..

كل اسم من هالاسماء منقسمين حولهم قسمين ...

هذا وهم كلهم يلعبون للهلال .. وكلهم نجوم ..

يافرحه الشامتين ..بس ...

اذا جمهورنا ... كذا مع لعيبته ... وش ننتظر من جمهور النصرر ؟؟؟

والا ارتاح ياجمهور النصر ... جمهورنا بيكفيك مهمة تحطيم اللعيبه ... ؟؟

----------------------------------------------------------------------

تكفون فكونا .. يالنوعيه هذي لاتقربون الملعب...

خلااااص... لاعب يلبس ازرق ... خلاص خلوكم معااااه وادعموه... احترمووا انه ادمي ع الاقل ..

في امم اوروبا الاخيره ... تنتهي المباراه = جمهور الفريق المهزوم يحيي فريقه ؟؟!!!! مايبي منه شي بس خلاص انا انهزمت اليوم .. ماعاد ينفع اللوم ... ادعمه واعطيه معنويه ... عشان المباراه الجايه يعطيني اكثر... هذا الجمهور يحق له يسمي نفسه (مشجع )


اما اني اسبه .. واشتمه .. واسخر منه ؟؟.. واطلب منه المباراه الجايه يلعب افضل ؟؟؟ ماتجي ..


ودمتم بخييير..