نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - Calcio Caffe 2012-2013 كل ما يتعلق بالدوري الايطالي

La Vecchia Signora · #329 26/07/2012, 09:56 PM

إقتباس

الرسالة الأصلية كتبت بواسطة s.Milandini


	( تاريخي يتحدث عني بوضوح ) << تصريح قديم لكونتي ! لابوك لابو تاريخك الفاسد .. تتستر على تلاعب بالمباريات ثم تفتخر بتاريخك ؟! ستة شهور شوية فيك .. شوهت سمعة إيطاليا .. بعد أن رفعها آنشيلوتي عالياً .. لكن تبون الصدق ؟ مو غريبة على رجل تربى وترعرع ونشأ بنادي الفساد حتى أصبح يوم من الأيام قائد له .. البيئة لها دور كبير ( 30 على أرض الملعب ) << طيب احذف منها بونوتشي وبيبي ؟ تصير 28 وأبو باروكة المفروض يكتب على قميصه بالسجن ( بريء على أرض الملعب ) ههههههه بالمناسبة رآنوكيا كان غائب عن المباراة اللي صار فيها تلاعب من بونوتشي ةهي مباراة باري ضد أودينيزي ، رانوكيا وقتها كان مصاب ! عموماً أنصح اليوفاوية يشوفون الوضع من زاوية أخرى ويتفائلون .. يعني على الأقل افتكيتوا من عاهة يقال لها بونوتشي !

إقتباس

الرسالة الأصلية كتبت بواسطة روما الأمل


	بعد متابعتي لمباراة روما و ليفربول و نية ساباتيني التعاقد مع مدافعين قلت خلاص الدوري بين اليوفي و روما لكككن ..! الان و بعد قرار إيقاف كونتي 6 شهور أقول .. الدوري روماوي و الوعد قدام يالكالشيووو و بليز شباب بلآ كلام فاضي فلان ضدنا و قرار ظالم و مدري إيش .. قانون واضح و صريح و تم تطبيق القانون لا تأخذكم العاطفه بعيدا ياليوفاويه .. مدربكم تستر و يستاهل اللي جاه

انا ما ضحكني الا خوينا بلو بيست يمشي ويصكك ميلانديني لايكات بكل رد يحارش فيه اليوفي

صبرك صبرك اليوفي رجع للتشامبيونز ليق وبيعيد ذكريات منتصف التسعينات مع فيرغي وقيقز وبتواجد كونتي نفسه

بالنسبة لكم يا شباب ورميكم التهم جزافا وتشفي بعضكم في اليوفي , ما اتوقع انكم فاهمين الموضوع صح , كونتي ما ثبت عليه شيء اصلاً !! بل بالعكس يقولون له اعترف تكفى وبنخفف لك الحكم 3 شهور

ولا ترى بتصير 6 شهور لو ما اعترفت

كاروبيو ( المتلاعب بنتائج المباريات ) يستحق ايقاف عن الرياضة مدى الحياة , لكن لأنه تعاون مع المدعي العام بلاتزي بكشف كافة الاسماء المتورطة - سواء فاعله للتلاعب او علمت عن التلاعب ولم تبلغ - اصبحت عقوبته ايقاف لمدة سنة ونصف بس !! طيب ماهو ممكن ان اللاعب رمى بأسماء مالها ذنب لمجرد تخفيف العقوبة عنه ؟

المدعي العام بلاتزي وضع كامل ثقته في كاروبيو كنوع من التشجيع للأعتراف وكشف الأمور كاملة , بالرغم ان كاروبيو الفاسد غير افادته 4 مرات وبفترات متفاوته !! مرة قال كونتي يعلم ان نتيجة المباراة كانت حسومة , ومرة قال ان كونتي مشارك في التلاعب بالنتيجة ( للمعلومية تغيير هالافادة حدث بعد ملاسنة كونتي وقالياني بثلاث ايام !! ) , وعاد وغير افادته بأنه غير متأكد بالضبط !! الى ان قال بالنهاية ان كونتي كان يعلم بوجود التلاعب لكن لم يبلغ السلطات

المضحك المبكي ان القضاء المدني في ايطاليا نظامه واضح ( المتهم بريء حتى تثبت ادانته ) , اما القضاء الرياضي نظامه العكس ( المتهم مذنب حتى تثبت براءته !! ) , يعني لو هالمحكمة مدنية ماهي رياضية كان كاروبيو اكلها على راسه واخذ عقوبات الى الصبح بسبب التلاعب وكذلك بسبب تضليل القضاء والرأي العام بتغيير الافادات 4 مرات , وطلع كونتي بريء كونه ما ثبت عليه شيء , لكن لأن المحكمة رياضية شفنا كاروبيو تخفف عقوبته من الايقاف مدى الحياة الى ايقاف لسنة ونصف فقط وكونتي يعاقب حتى لو لم يثبت عليه شيء

الحالة الوحيدة اللي يطلع كونتي فيها براءة هو ان يثبت ان كلام كاروبيو غلط , وهالشيء صعب لأن كاروبيو يجد الدعم والثقة الكاملة من المدعي العام بلاتزي , حتى بوجود اكثر من 20 لاعب يقف في صف كونتي ضد الفاسد كاروبيو لكن لا يوجد فائدة لأن المحكمة رياضية فاسدة , والمدعي العام يقف في صف كاروبيو المتهم الوحيد لكونتي

الاخبار الحين تقول ان كونتي راح يعترف على شي هو ما سواه بس عشان يفتك من هالسالفة وياخذ العقوبة المخففة لمدة 3 اشهر

التحكيم الرياضي فاسد جدا في ايطاليا عكس التحكيم المدني