ألف مبروك لنا افتتاح الرابطه وان شاء الله تكون فاتحة خير على الفريق ,,

والف مبروك لسعادة الريس والنائب ومحررين الاخبار القادمين >>> بدا يشتغل التشبيك والتعزيز تخبرون لزوم الواسطه

والعذر والسموحه مشاركاتنا جدا قليله معكم لكني داااائما متااابع .

بالنسبه للفريق : انا متفائل خير ان شاء الله لأن فيه تغيرات كبيره بالفريق وفيه كم عنصر رااح وان شاء الله يلحقهم بعد كم عنصر مثل ناقا وطقته .

بالنسبه للشله البرازيليه سيزار ولوسيو ومايكون : مثل ماهو معروف عند كل البرازيلين ومن خلق الله الدنيا الي يهمهم هو الفلوس وماعندهم اي مشكله يلعبون لأنديه منافسه لبعض والأمثله كثيييييره . بالنسبه للوسيو شخصيا اقول الحمد لله انه راح لأنه احيانا نكبه وهو ماخذ في نفسه مقلب على إنه زيدان من كثر مايتقدم للهجوم . اما سيزار صراحه هو الي امره غريب وصراحه متحسف عليه وبقوووووه وراح نخسره الموسم القادم لأن حارسنا الجديد مدري وش وضعه بالضبط طبعا اتكلم عن سمير ولا كاستيلاتسي خالصين منه وما منه فود . نجي لمايكون هالاعب مدري وش اقول عنه الموسم الماضي اصابات ، لعبه حلو لكني احس انه نفسيه ولا له خلق يلعب معنا ولو تلاحظون من 2010 وهو كل نهاية سنه يقول ابروح ورحت وجاني عقد من فلان ومن علان يعني الولد الاخبار حوله كثييييييييره ، بالنسبه لي ودي يقعد لانه مكسب بس اضمن لي انه ماراح يصاب .

خلصنا من شلة الدشير (البرازيل)

نجي يم شنايدر : ودي احش فيه شوي بس اخاف تطقوني ، الولد مافيه كلام من ناحية اللعب والفن بس المشكله انه نفسيه واحيانا بتصرفاته يحسسك انه اعلى واهم من الفريق الي يلعب فيه . لكن نقول ان شاء الله مع ستراما تصير العلاقه مثل العسل والله يفكه من الاصابات ياااارب .

بالنسبه للفريق بشكل عااام عندي امل بإذن الله السنه هذي راح نحقق اكثر من بطوله ومتفاااااااائل كثيييير بالتعاقدات الي سويناها صح انها مهيب جاااامده لكني متفائل خير لأن فيه اكثر من تغير في اكثر من مركز وان شاء الله يرجع هذا بالفائده على الفريق .

كل عام وانتم بخير بعد الزحمه والعشر مباركه قبل الزحمه