-



كل وانتم بخير .. واسأل الله ان يقبل صيامنا وقيامنا وان يبلغنا رمضان كله .. وان يثبنا اجراً فوق اجر .. وينجينا من النار وعذابها ..

للامانة شدني نقاشكم عن مسلسل عمر ..
وحبيت اني اشارككم فيه .. ولو اني جيت متأخر أوي !

المسلسل بوجهة نظري وبإختصار ( حرام ) انهم يوافقون على عرضه ..
لعدة اسباب ..
اهمها اني انا كمسلم وكشخص غيور على ديني واحب صحابة رسول الله صلى الله عليه وسلم ما ارضى اشوف فاجر يمثل دور احدهم ..

وبمعنى اصح .. ما ارضى اني اشوف هالممثل بـ المسلسل ابو بكر وملتزم .. وخارج المسلسل فاسق وفي مراقص وملاهي ..

وبعطيكم مثال بسيط ..
الحين من المؤكد ان فيه عدد كبير جداً من الاطفال يتابعون المسلسل ..
شيء طبيعي وبديهي راح يتخيل لهم اشكال وافعال وتصرفات الصحابة سابقاً مثل اللي يتابعونه بالمسلسل ..

المشكلة ماهو بهالشيء ..
المشكلة انهم راح يشوفون هالممثلين بـ مسلسلات ثانية ..
وهالمسلسلات اغلبها راح يكون فيها اغاني وحب ووتقبيل وما الى ذلك ..

وبكذا وللإسف راح تتكون عنده صوره خاطئة وغير صحيحة ابداً عن الصحابة ( رضوان الله عليهم ) ..

عالعموم اللي يحب يشوف كلام مشايخنا وعلمائنا عن هالمسلسل ..
يتابع ملحق ( الرسالة ) اللي جاء مع جريدة المدينة امس ( الجمعة ) ويقرأ صفحة رقم 9 ..
وايضاً فيه مقال جميل جداً بالصفحة رقم 3 للدكتور لطف الله !


تحياتي لكم !