نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ¤¤ ][.. رابطـة عـٌشاق الإنتـر 2011-2012 ..][.. Campioni D'Mondo ..][

ابـو مـحـمـد · #11 18/07/2012, 05:34 PM

بسم الله الرحمن الرحيم

مساء الخير ياحبايب

.. اول مشاركة لي هنا .. متابع لكم من فترة

و مبروك عليكم الشهر

الإدارة تقدم مستويات سيئة !

بولي و راح علينا !
باولينهو و راح علينا !
لوكاس .. ( حلم إبليس بالجنة ) !
بالاخير صفينا على مودنغاي ( اللي بالثلاثين ) !!
بولي كان متوفر و الأولوية للإنتر .. فجأة الإدارة تستمر بـ تخبطاتها
و تسحب على بولي و بالاخير اتفق مع لازيو ! ( يقولون أن كامبياسو هو سبب تعطيل صفقة بولي ) ما ادري هالكلام جد ولا لا ؟ أللي عنده خبر يا غالين ياليت يفيدني

مبلغ بولي غالي ؟! مو غالي ! بدل مانت قاعد تحلم و تطارد ورى لوكاس
اللي طاقها بوجه كل اللي يبون يتعاقدون معه و قايل انا مابطلع من البرازيل
قبل 2014 .. و تبيه يطلع للإنتر في هذه المستويات ؟! و بـ28 مليون ؟
للأسف موراتي من بعد الأبطال .. أحس ماصار عنده طموح من جديد
كنه تشبع وماعاد يبي شيء غير انه يوفر فلوسه .. طيب ماتبي تدفع ياخي
اترك النادي و فكنا من شرك ! .. أما انك تبينا نقعد نناظر فيك وانت تقود النادي
ليكون من أندية الوسط .. لا و ألف لا !

الإنتر كبير و أعتقد بيلقى مالك يدفع !

باتزي ليش ينباع ؟ لاعب توه عمره 27 و متمكن و خطير .. نبيعه ليش ؟
كاستاينوس أحس ان بيعته خطأ .. الدوري عندك طويل + اليورباليغ !!

أوكي بعنا كاستاينوس .. بتخوض دوري كامل + كؤوس + يورباليغ
بـ 4 مهاجمين ؟ ميليتو اللي هو المهاجم الأساسي و الأقوى بالثلاثينات .. لونغو
توه شاب زي كاستاينوس و ما اشوف انه يملك ولو 40% من قدرات كاستاينوس ..
طبعاً الكلام الآن أن باتزي لـ نابولي مدري لازيو ؟ ماني متأكد لكن الأكيد أنه فريق لون شعاره سماوي !

.. و كاستاينوس لتفينتي الهولندي .. يعني بـ كذا بيكون عندنا
مليتيو + بالاسيو + لونغو + ؟؟؟؟؟؟؟؟؟؟؟ ابي افهم ليش ماتدفع و تجيب ديسترو ؟
لاعب متمكن و هدااااااف بالفطرة ياخي ليش ماتدفع فيه ؟ عموماً الأخبار تقول أن
ديسترو متفق مع روما .. ( بعد ما مقلبو الليفر بـ بوريني )

..

بالاسيو .. يالله من فضلك بس ! .. لاعب عادي جداً ومافيه أي شيء مميز أو إضافة للخط الهجومي , لا و فوق كذا .. ( اظنه موقوف أول مباراتين بالدوري )

!

بالعربي الفريق محتاج مهاجم أو مهاجمين لسد الفراغ اللي بيسببه رحيل باتزي
و كاستاينوس ..

الظهير الايمن .. ابي افهم ديبوتشي مانجيبه عشان ناديه يبينا نزيد مليونين على
السعر اللي عرضنا عليهم ؟ نادي بحجم الإنتر و تتوقف صفقة ظهير أيمن فلته
بسبب مليونين ؟ حسبي الله عليك من رئيس قعيطي .. مستخسر 9 مليون مدري 8 مليون
في ظهير كبير و يقدم مستويات رهيبه في هالخانه ..

بالمناسبة .. انا من الأساس معارض لـ فكرة بيع مايكون لأنه وبكل بساطة نجم و صبه بالدفاع ! لاعب يقفل لك خانته
و هجومياً رائع .. بالاضافة لـ رجل قوية و ممكن يسجل بأي مباراة ..
< ( تذكرت هدفه على اليوفي من تسديدة صاروخية .. يوم رؤوف خليف يقول
مايكوووون دوووغلاااس ابن النااااس

) .. بالاضافة لـ هدفه على الميلان
تحت قيادة ستراما

.. يعني ظهير حتى لو انك جبت ديبوتشي ماراح يكون زي
مايكون

.. صحيح الاصبات قللت من مشاركاته و خفضت مستوياته لكن ماينقصه هالشيء وما يلغي أنه ظهير رائع رائع

نجي لـ ستراما .. هو فنياً متمكن !

لكن احس شخصيته ضعيفه قدام موراتي .. ما ادري ليش احساسي يقول كذا
يعني لما نشوف اللي صاير مع ديبوتشي و بولي .. يوحي لك بأن المدرب ما له كلمة
على الرئيس ! .. يعني كل يوم و الثاني يغير كلامه و الأمثله كثير !

غوارين

.. يعجبني بشكل غير طبيعي هاللاعب .. محور مجنوون
عنده رجل قويه قويه قويه

.. دفاعياً ماعليه كلام .. يفتك الكور غصب !

مكسب كبيير جداً لنا في هالخانه

جوليو سيزار

.. ما ادري كيف الادارة بتفرط في حارس بحجم جوليو ؟
الرجال شاريك و يبي النادي وما وده يطلع ابداً .. تروح تجيب هاندانو ليش ؟
من البخل ماتبي تتحمل راتب جوليو و جايب هاندانو ؟

.. سمير ماعليه كلام
حارس قوي جداً لكن ما يصف جنب جوليو ابداً ( بالنسبة لي ) .. اعتقد لو تم بيع
جوليو .. هذا بيأكد لنا ان الإدارة مافي راسها شيء غير التوفير و الاقتصاد ..
( ياخي لا عادت عليه ملعب إذا بيجبرنا نكون زي سياسة آرسنال بسبب ملعبهم
اللي ما شافو خير من بعده .. مالياً اتكلم ) .. يا خوفي يبيع شنايدر !

بالنسبة لـ أفيلاي .. اللاعب متوفر الحين و عنده امكانيات مجنوونه
بالاضافة لـ سعره اللي اتوقع بيكون رخيص ! خصوصاً بعد دكة البرشا
و أعتقد يناسب الإنتر بشكل كبير

.. ننتظر و نشوف القعيطي بيدفع فيه ولا لا !

أعتذر يا شباب على الإطالة .. باقي في مخي افكار و كلام و لي عودة بإذن الله

- إذا شفتوا أخطاء ولا شيء .. فـ تراني أكتب بدون أفكر في تسلسل الأفكار

يعني أي فكرة غلط .. سلكو