لا بالفعل يا (( سكرو )) اذا اجتع الاتحاد الايطالي باليوفي و الميلان و الانتر اعرف ان وراه بلى .

نظرية الاخ فروزا يوفي ليش ممكنة الحدوث؟؟

لأن زي ماقلت ايطاليا بشكل عام و الاندية بشكل خاص في أزمة مالية ، طيب اذا طلع كلام اليوفي صح ؟؟

هنا الاتحاد الايطالي مطلوب من قبل اليوفي ((444 مليون يورو )) انيلي يبيها ، طيب انا الاتحاد الايطالي مقدر اعطيك

يا انيلي .. وش اسويلك ، طيب اسمع يا انيلي بنجيب الانتر وميلان و نجتمع و فيها خراج .

وش بتسوي يا الاتحاد الايطالي ؟؟ جا بيرلسكوني و موراتي و انيلي موجود ، فتحوا الجلسة العلم وما فيه يا موراتي

سلامتك انت رجال اخطيت على انيلي و ربعه و يطلبونك الحق و انت رجال كبير رجل في الدنيا ورجل في القبر

ما ودنا ندخلك المحاكم و نتشره منك بعدين ، موراتي قم حب خشم انيلي و تسامح منه ، انيلي بيقول لحظة يا اباتي

ابي تعوضوني قبل لا يحب خشمي ، اباتي بيقول اصبر يا انيلي اول شي نصفي النفوس و العوض موجود

قام موراتي حب خشم انيلي ، اباتي بيقول العلم كالتالي اسمع انت يا بيرلسكوني ما جبناك تصور معنا انت مركز

معي ؟؟ بيرلسكوني بيقول ايه معكم اسلم ، اسمع يا برلسكوني انت قبل موسمين حققت دوري و انت يا موراتي

يا اللي جبت فينا العيد جبت ثلاثية ما كنت تحلم فيها ، اما انيلي تبهذل ست سننين ، وش تشفون الحل؟؟

بتدفعون 444 مليون ؟؟ طبعاً انيلي بينبسط بذا الكلام بيقول و فوقها نجمة ، طبعاً موراتي و بيرلسكوني

بيقولون لا صعبة ، من وين نعطيه انت شايف الوضع ازمة مالية وما نقدر عطه انت يا اباتي و بنقسط لك

بعدين ، بيقول اباتي انتو قلتوا ازمة مالية ، طيب اسمع انت وياه عندي حل و تفكونا من مشاكلكم ،

الثلاثة بيقولون اسلم يا اباتي ، انت يا موراتي و يا برلسكوني مشو خششكم من الدوري الموسمين الجاية و

فرصة لكم تجددون فرقكم عشان تلحقون اليوفي ، وانت يا انيلي تبي نجمة صح و فلوسك ؟؟ صح ؟؟

انيلي بيقول ايه ابيهم ، خلاص يا انيلي لك من عندي ما حد ينافسك الموسمين الجاية انت بطل الدوري

و بتجيك العائدات من تلفزيون وملعب و انتصارات و عندك دوري ابطال اوروبا قش في الدراهم بيديك ورجليك

و باقي لك بطولتين على النجمة هذي هي البطولتين ، و انت يا موراتي و يا برلسكوني نافسوا على المراكز

الاوروبية و يا دار ما دخلك شر ، هاه وش رايكم؟؟؟؟ هذا العلم وسلامتكم ..........

بيرلسكوني بيقول انا من ناحيتي ما عندي مشكلة ، ما دام عندي دوري الابطال ، فوق العلم .

موراتي بيقول و انا بعد دام بتفكوني شر المحاكم و الدراهم و حققت بطولات مالها سنتين من حققناها ، فوق العلم.

اباتي بيقول هاه يا انيلي وش رايك ؟؟؟؟

انيلي بيقول ما دام بتطول السالفة اذا ما حليناها و بندخل في متاهه جديدة و فضيحة اتحاد و فيفا و زحمة

و انا بيني و بينك تعبت من الطردي ورى ذا السالفة ولا بطول لا سما ولا ارض ، فوق العلم .

اباتي بيقول خلاص اتفقنا لاحد يجي بعدين يقول رجعت في كلامي رفعت الجلسة .......

ممكن تصير ذا السالفة يا (( سكرو )) ولا لا ؟؟؟؟؟؟

هههههههههههههههههههههههههههههههههههههههههههههههههه

لكم تحياتي.....