15/07/2012, 10:45 PM
|
 | أفضل عضو بقسم الرياضة العالمية لشهر فبراير | | تاريخ التسجيل: 03/03/2011
مشاركات: 686
| |
 | إقتباس |  | | | | | | | | | |
بلوز فان ينطيك العافية على التوضيح .. اجل هالك يبي 70 مليون .. على هالجسم اللي عنده جيبوه بسبعين وشغلوه راس حربة وسكيورتي ..... لا من جد البلوز بحاجة لراس حربة ما ادري عن اوسكار هذا كانه يقدر يشيل هجوم الفريق ... نقطة ساختلف مع كثيرين هنا .. لكن وجهة نظري تقول ان الاعتماد على النينو اساسيا كراس حرربة الموسم القادم سيعود على البلوز بالندم
ما ادري هل التوقيع مع مارين وهازارد هو بداية للبلوز للعب الكرة السهلة الممرحلة .. وتغيير الاسلوب القوي اللي كان متبع على ايام الفيل .. اذا ما نجح دي ماتيو في ذلك فممكن النينو ينجح .. لكن بنفس الاسلوب القديم .. من الافضل التوقيع مع مهاجم بقوة بدنية
الا على الطاري وين لوكاكو؟؟ البلجيكي ؟؟ يا كثر اسئلتك يا شيخ | |  | |  | |
الله يعافيك , شف هو من ناحيه جسم وتهديف وكلش ممتاز لكن بالنسبه لي إلى الآن ما اقتنعت انه يستاهل اكثر من 30 او 25 حتى , خويي متابع لصيق لبورتو وبنفيكا ويقولي انه مايستاهل كل هالكلام الي عليه وانه من الاعبين الي يحتاج مساحات عشان يظهر , والصراحه ممكن اتفق معه لاني شفت كذا مباراة لبورتو والبرازيل وهالك ماكان ذاك الشئ الخارق , كان جناح جيد وعرضياته كويسه لكن فوق ال 30 لا وألف لا , بالنسبه لأوسكار , هذا ياطويل العمر صانع لعب برازيلي يلعب مع انترناسیونال البرازيلي والمنتخب البرازيلي , صانع لعب بالملي رجله صعب تخطي , الموسم الماضي مع انه عمره 19 سنة لكن لعب 51 مباراة وصنع 14 وسجل 14 , بعدها استدعاه مدرب البرازيل وتطور كثييييييييييييير لدرجه ماتتصورها , هالموسم هذا لعب لحد الآن 12 مباراة سجل 4 وصنع 7 يعني من اصل 12 مباراة 11 مباراة كانت له بصمه فيها , طبعاً مع المنتخب البرازيلي سجل هدف في اخر مباراة ضد الارجتنتين الهدف هنا وهو الآن مع المنتخب البرازيلي في الاولمبياد وعلى كلام اغلب الصحفين والصحف ان تم الإتفاق لكن راح تتأجل الصفقه إلى مابعد الاولمبياد , بالنسبه لنقطه توريس وطريقه لعب دي ماتيو , دي ماتيو بعد ماجدد طلع بتصريح للميرور تكلم فيه عن الصفقات وكيف راح تكون مفيده , المثير للإهتمام بالأمر يقول انا وعدت ابرا شخصياً اني راح اقدم كورة قدم راح تعجب الكل ومختلف كلياً عن ظروف الموسم الماضي ويقول انه من اسباب تجديد رومان وثقته به , وخصوصاً بعد الدفعه الي جت للنينو بعد اليورو اتوقع راح يكون قد المقام بإذن الله , بالنسبه للوكاكو فيه اخبار يقولون انه من ضمن صفقه مارين كإعاره لكن لحد الآن مافيه شئ رسمي والاعب قبل اسبوع طالع بتصريح يقول ابي اثبت نفسي في الجوله الصيفيه في امريكا وهو حالياً في الجوله الصيفيه مع الفريق هو وبيازون  وشالوبه وكم اسم ثاني بزارين
  |
