إقتباس الرسالة الأصلية كتبت بواسطة كابتن الجنوب ياخوي اسمع المجلس ذا زي ماتقول شغله تظيمي طيب وين التنظيم يابوي 7 سنوات ولا شفنا دخلات مميزة وتوزيع منظم للاوراق البلاستيكية طيب مجلس جمهور الاهلي من عام 2009 فقط قدر يرسم تلك اللوحات على المدرجات صح بتيجي وتقلي ملعبهم صغير وكل مانكلم لالمجلس نقلهم ليه ماتضبطون الدخلات يقلون الملعب كبير ومدري ايش مع ان مجلس جمهور الاهلي يطالب بزياده عدد كراسي ملعبهم ياحبيبي الموسم الجاي نبي نشوف شغل من المجلس والرابطة اوكي يمديكم في هاذي الفترة تقديم طلبات بالانضمام الى المجلس والرابطة ترى في كثير من الجماهير تبي تخش معكم اما ان لم يحصل ذالك فااسمح لي يجب من الادارة اتخاذ قرار بشأن المجلس ^^ اما كل موسم تطلعون لنا وتقلون افكار جديدة وشغل وبعدين تجلسون تعتذرون ^^ تحياتي كابتن الجنوب

اخوي كابتن الجنوب ، سبق وان رديت عليك ، وبأرد عليك مرة اخرى بنفس الكلام


احضر معانا وشاهد العمل بنفسك ، بعدين تكلم ، مو من خلف كي بورد وخلف شاشة وعلى بعد الف كيلو ، حنا بالرياض وانت بالجنوب ، ولا عمرنا شفنا خشتك بالملعب

مجلس الجمهور ، رسمنا لوحات وقدمنا دخلات و و و وأمور كثيرة كلها مؤرشفة و موثقة من خلال تغطيات مصورين مجلس الجمهور ، والمواقع الهلالية
واذا اردت مني حصرا لماقدمه المجلس خلال المواسم السابقة ، فليس لدي مانع

وفي الاخير انت يا سيدي الفاضل جاي تقيم المجلس وتقول المجلس لا يعمل ، رجاء رجاء يا ابن الحلال انتقد بشيء شفته بعينك ، كلامك هذا مو انتقاد هذا ظلم وافتراء وسيحاسبك الله عليه

أما بالنسبة للرابطة : فالجميع يعلم انها مسؤولة من النادي مباشرة ، وقرار تعينها من ادارة النادي ، وليس لمجلس الجمهور الهلالي اي مسؤولية عليها ، ربما هناك تعاون أو ترشيح او تزكية فقط ولكن ليس مسؤولية مباشرة ، سواء ابراهيم حقوي او احمد العمودي او البطاطي ، فهذه مسؤولية الادارة الهلالية وليس مسؤولية المجلس


تحياتي