إقتباس الرسالة الأصلية كتبت بواسطة مخلص للهلال لاعب خشن عديم الأخلاق ومن أبرز طلبة مدرسة الانبراشات الاتحادية في كذا موسم كان من الواجب شطب هذا اللاعب وأمثاله من الملاعب السعودية بسبب خشونته الزائدة التي تصل للتهور ولكن كان لجان الاتحاد السعودي رحيمة جداً معه بسبب تمثيله لنادي الاتحاد المحصلة , لاعب خشن ولو فيه خير كان نفع المنتخب السعودي اللي دفاعاته شوارع والأجنبي مطلوب لأن الكرة السعودية تعاني في مركز قلب الدفاع

شوف حبيبي عديم اخلاق ومدري ايش والله عيب تقول هالكلام خلي التعصب على جنب لسه انت متعصب وعلى وشو ؟؟؟ على دوري سعودي وفرق سعودية !! وين المنافسه اصلا عشان تكون متعصب لهل درجة

احب اقولك الي يصير جوا الملعب سواء ضرب سواء سب سواء تكسير مع طرد او او او او او هذا كله داخل ال 90 دقيقه فقط وينتهي كل شيء وكلها لها اسبابها

فريقي مثلا مهزوم تلاقيني معصب او تلاقيني مضغوووط واعصابي مشدودة وممكن احد لو استفزني تنفلت اعصابي هذا شيء طبيعي ترا وتصير

اما تقول عديم اخلاق بسبب كورة مالها داعي

شوف انا من سكان جدة مع اني طول عمري مولود بجدة بس عشقت الهلال وما شجعت الاهلي او الاتحاد

بس للأمانه اقسم اسامه المولد من ناحيه الاخلاق والله معروف بالحاره مشاءالله عليه محترم خلوق لي ابعد درجة لسانه والله عسل

انسان ماشي بحياته بطريقة ما شفت كثير لاعبين يطبقونها الرجال عنده كم مليون حتى بي سياراته متواضعه مو مثل الي يجيك مع كم مليون طق مرسيدس على طول وبي ام ومدري وشو

ودايمن بالمسجد ملتزم والله مو مطوع بس ملتزم مشاءالله

وتبي تصدق صدق ما تبي تصدق شيء راجعلك بس القذف بالناس عديم الاخلاق ومدري وشو عيب ترا وربي يحاسبك فيها لان في جنه ونار بعد الموت وخلي عنك التعصب مهما يصير حتى لو شايفين الغش بعيوننا مافي شيء مستاهل بي دورينا البايخ