إقتباس الرسالة الأصلية كتبت بواسطة XمقتـamalـــولX أعضاء الشرف اغلبية اعضاء الشرف الله يهديهم مآخذين فكره ان عقد موبايلي يصرف على النادي + بن مساعد كاش ومهو محتاج الدعم وفوق هذي بعض اعضاء الشرف مايدعم الا شخصيات معينه يعني الداعمين اللي كنا نشوفهم ايام محمد بن فيصل وسعود بن تركي مثلا وينهم الان ؟ اللي يفهم مفروض يدعم الهلال ولايدعم اشخاص ويعرف ان عقد موبايلي يادوب يغطي في الاسعار العاليه للاجانب والرواتب الكبيره للاعبين ككل يجب على الاداره ايضاً ان تبادر لدعوه تجمع كل اعضاء الشرف ماسمعنا هالشي من يوم مسك النادي ابو فيصل !! مهو شرط اجتماع للدعم ... يكون اجتماع حبي لتبادل الآراء وتقريب وجهات النظر لإحتواء أزمة الابتعاد عن النادي وعقب مايلتم الشمل الكل مهوب مقصر ان شاء الله اما انك ياإدارة النادي مكبره راسك ولاتسمعين لحد وتبين أدعمك معصي سدد وقارب يابو فيصل ولك القرار وانت تتحمل المسؤوليه بالنهايه . الفئات السنية حملنا هالفئات اكبر من ماتستحق صراحه .. صح ان دورها مهم ولكن احنا بالعاده نطالب باللاعب الجاهز ... فكيف تبغون نتائج الفئات السنيه تظهر وتبان !! مستحيل هالشي .. اتمنى يكون فيه خطط تدار بها الفئات السنيه مثلاً الهلال يحتاج لرأس حربه يكون فيه تفاهم بين ادارة الفريق الاول وادارة الفئات السنيه انه ياجماعه ركزوا لنا على هالخانه جيبوا اكثر من موهبه واهتموا فيها .. الشغله مهو بس تصعيد للأولمبي والاول وخلاص !! عموما ابناء الهلال المخلصين ماراح يقصرون لوتم الاستعانه بهم .. ابو اثنين تركي العواد ومحمد الدعيع اسماء جاهزه وتستحق الفرصه مسألة الخلافات اللي شفناها بن عبدالله بن مساعد وبندر بن محمد كان خلاف جميل توقعنا ينتج عنه عاصفة تغيير ولكن هجدت الامور فجأه ولا كأن شي صار!! متفائل بوجود زلاتكو صفقه ممتازه راح تفيدنا على المدى البعيد ان شاء الله العلاقة مع الإعلام غسلت ايدي من ابو فيصل في هالناحيه !! ذبحتنا المثاليه .. واذا قلنا كويس بيدافعون يجيبون العيد مثل سالفة عبدالكريم الجاسر الاخيره حقت العالميه ولاتهون العربه والحمار ابو يزيد كويس ولكنه يتداخل بصفاقه احياناً ويكب العشا وتصير مداخلته مأخذ عليه اكثر من أنها دفاع عن موقف ووجهة نظر ناديه . ابو فيصل كان متحمس في البدايه ومداخلات ولجم أول بأول ولكنه في السنتين الاخير يبدو انه كبّر راسه ولاصار يهتم المفترض يكون فيه متحدثين رسميين يعرفون يتعاملون مع الاعلام الاصفر ويقارعون الحجه بالحجه مثل التويجري والعنقري والروقي !! ولايهون دور المركز الاعلامي اللي احيانا تحتاج يقولك اي كلمه وتلقاه ساكت ويوم تبيه يسكت تلقاه يغثك بالأخبار ايضاً يكون الجمهور حاقد على برنامج او اعلامي معين وفجأه تلقى الرئيس راز الفيس عنده !!!!!!!! ياخي اذا ماتبي تتفاعل مع مطالب الجمهور على الاقل حس فينا يبو فيصل شوي الجمهور الهلالي الجمهور الهلالي ماراح يقصر ان شاء الهل داعمين للفريق بكل الاحوال وكنهم لايريدون اطلاق وعود فارغه .. صارحونا بوضع النادي عشان لاصار شي والا شي نقدر ونكون على علم مسبق بالظروف + مسألة انغلاق القرار على الرئيس وسامي هذي دائما مثار استفزاز للجمهور لأن فيه قرارات تكون خاطئه والجميع يعلم انها خاطئه من يوم تعلن لكن الجميع ( يطبّل مجبورا ) عشان يدعم فريقه ولايشق الصف .. واستقطاب اللاعبين المحليين عندك اقرب مثال يرفع الضغط !! مسألة المدير الفني والمدرب جلبنا فكر مميز مع جيرتس كل الانديه استفادت منه وبدت تطبق الفكر الهلالي .. كان يفترض ان احنا نصعد للأعلى بأفكار اقوى وشغل احترافي على أعلى مستوى .. لكن للأسف حدث العكس ونزل الفكر عندنا نزول حااااااااااد وقمنا نتخبط .. والانديه تفوقت علينا بفكرنا " الشباب مثلاً " !! مثل هالامور سببها انغلاق القرار على ابو فيصل وسامي لو فيه مشاوره على صعيد اكبر ممكن تكون القرارات افضل أخيراً نقول ان شاء الله تكون 4 سنوات مليئه بالانجازات والافراح الهلاليه ابو فيصل شخص محبوب من الجميع ان شاء الله ربي يوفقه ويحقق طموحات الأمه الزرقاء وكلنا معه للأخير شكراً اخوي على هالموضوع اللي اثارني للكتابه عن مافي خاطري

لا ازيد على كلامك بشي لانك كفيت ووفيت ..

وشكرا لك يا ابو فهد على موضوع ..