قدمت لنا وسائل الاعلام سيرة مدربنا الجديد وفهمنا ان اهم انجازاته تحقيق دوري الدرجه الثانيه مرتين الاولى مع ستراسبورغ والمره الثانيه مع فريق فالينسيان !!!!يعني الحمد لله على الاقل لاسمح الله لو نزلنا مع سعادته دوري الدرجه الاولى ممكن يقدر يصعد بنا مره ثانيه!!!!
والله اليوم نصف سكان المملكه زعلانين من خبر التعاقد مع هذا المدرب على اعتبار ان نصف سكان المملكه هلاليين ..
ماني قادر استوعب ان ادارتنا بكل طواقمها عجزوا عن الحصول على مدرب عالمي يليق بمكانة وسمعة ومشاركات سيد الانديه السعوديه وزعيمها الاول على الاقل لو تعاقدوا مع ايمانويل جوزيه ممكن نعذرهم لان المدرب البرتغالي معروف ولايعيبه رفضه الانصياع لدلع ومزاجية محمد نور لان الكل يعرف ان الاهلي المصري كان يحقق بطولات وارقام قياسيه مع جوزيه حتى مدرب فريقنا الاولمبي زلاتكو كان اخرج لنا على الاقل عارف فريقنا وعارف كل فرق الدوري وملم بحكاية اصرارنا كهلاليين على الاسيويه اما تجيب لي مدرب فاضي وعاطل وكل انجازاته الحقيقيه بطولة واحد كاس فرنسا مع سان جيرمان وكلنا نعرف ان بطولة الكاس سهله ومبارياتها محدوده ويلعب الحظ وركلات الترجيح دور كبير في تحقيقها .
ياليت الاداره في حال فشل المدرب الاستعجال في انهاء عقده وبلاش مكابره وتمسك بالرأي على حساب تاريخ الفريق وحرق اعصاب الجماهير مع احساسي ان زلاتكو رح يكمل الموسم بس ياليت يكون قبل خراب مالطا.
يمكن البعض يقول اني متشآئم والمفروض ندعم المدرب ولكن لاتنسو ان الغلط اللي حذرنا منه الموسم الماضي تكرر في هذا الموسم ومع كذا رح ندعم ونشجع ونقول ياكريم وفق الزعيم
