| اللي يشوف الهلال وتعاقداته ما كأن بنلعب دور ربع نهائي في بطولة قارية ...
عندكم من مباراة بني ياس الى اليوم توكم تتعاقدون مع مدرب اقل مايقال عنه سئ جدا ...
طيب هوعاطل من يناير توكم تتفاوضن معه تبون تجننونا انتم الله يهديك يا بوفيصل باخر سنتين صرت تخربها ...
انت تبي تحطم الرقم القياسي انك تجيب 3 مدربين سباكين ورا بعض دول وهاسيك وكومباري ...
ياناس الهلال في تاريخه ماجاب ثلاث مدربين سيئين على التوالي يابو فيصل اذا ما انت قد انك تجيب فريق متكامل مدرب مميز ولاعبين اجانب على مستوى عالي يا اخي اترك الفريق زي 2010 كنا نشيد فيك ونحييك ونقولك صنعت فريق له هيبة اما الحين خلاص اترك الفرصة لغيرك في ناس تتمنى ترأس الهلال وعندها افكار وفلوس افضل منك ...
اولسان الكوري اللي بنقابله توه متعاقد مع مهاجم برازيلي يعني الفريق شغال صح وحنا على حطة يدك ...
ولا الي سمعناه اننا بنبدل ويلي بمدافع اجنبي طيب هرماش والكوري والعربي ذولا وش وضعهم مو هم اللي فشلوا في الموسم الماضي تخليهم يجلسون وانت تدري انهم فاشلين وغير كذا جايب لي مدرب سباك يعني انت بدال ماتصلح البيت اللي فيه اجزاء مكسورة ويبي لها اصلاح جيت هدمت البيت ياجماعة خلاص طفح الكيل فرصتننا هالسنة نجيب اسيا وعلى فكرة فرصة 2012 اسهل من 2010 لان الحين اغلب الفرق مستواها طايح ...
ما اقول الا لاحول ولاقوة الا بالله هلالنا في الحضيض وعلى وشك انه يتدمر ما كنت اتمنى نوصل لهالمواصيل بس ابو فيصل يبي فهو اللي يتحمل المستقبل وحده ..
| 