نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - معسكر منتدى الجمهور الصيفي لمتابعة الأخبار و التعاقدات الهلاليه # السنغالي عبدالقادر مانغان لاعباً هلالياً

بو فيـصـل · #8619 17/06/2012, 04:22 PM

إقتباس

الرسالة الأصلية كتبت بواسطة مجنونـہ الشلـ♥ـهوب


	هلا بك اخوي .. بأتكلم عن نفسي و عن وجهة نظري و ( الزعيم الملكي ) له كل الحق في توضيح و جهة نظره إذا دخل .. وش لي علاقة بـ مانويل جوزيه عشان المع صورته ! بـ الاول و بالاخير انا اريد و كلنإ نريد مصلحة الهلال فقطط لآ غير .. و اكيد كلنا نبي المدرب اللي يرفع من مستوى اداء اللاعبين و تكون عنده شخصية قوية و منضبط و كل شي .. إنا م قلت إنا م نبي غير ما نويل و إنه المدرب المناسب و رحت وكلمت المفاوض وقلت له امانة لا تفاوض إلا مانويل ! مانويل مدرب له مميزاته و له عيوبه مثله مثل غيرهه .. لكن اللي اشوفه من بعض الاعضاء إنهم جدا مندفعين .. و يقولوا فاشل - سباك م ادري إيش .. - بـ النسبة إلى إن الاهلي حقق بطولات بـ مدرب وطني بعد إقالة جوزيه .. حتى الهلال في الدوري كان في أسوأ مستوى يمكن شفناه للهلال .. و عندما تولى سامي الجابر ( مدرب وطني ) دفة الفريق شفنإ مسستوى آخر .. كان هلال مخالف جدا عن هلال الدوري .. فما تفرق .. إذا منتخب مصر اغلب لاعبيه من الاهلي فكذلك المنتخب السعودي اغلب لاعبيه من الهلال : (العتيبي - هوساوي - الزوري - الشلهوب - الفريدي - سالم - عزوز - سابقا ياسر ) .. واتحداك تجيب نادي سعودي له لاعبين في المنتخب اكثر من الهلال .. وهذه نقطه إيجابيه تحسب للهلال و دلالة على إن افضل اللاعبين المحليين في الهلال .. - اما بالنسبه لـ مشاكل مانويل في التدريبات .. مانويل جلس مع الاهلي اكثر من 5 سنوات متتالية بعدين اقالوه بعدين رجعوه و هكذا .. م اعتقد لو كان الكلام اللي قلتهه صحيح ما كانوا رجعوا مدرب يطول لسانه ع اللاعبين بدون سبب .. مانويل له عيوب و لكن ايضاً له مميزات .. - نتمنى قدوم خورخي في الدرجة الاولى و لكن إن لم يحضر فـ مانويل خيار جيد كل الود ..

في البداية أشكرك على تفهمك و على الرد الجميل ..

نبدأ بنقطة إن حنا ما نختلف على إن المهم في الأول و الأخير هو مصلحة الهلال فقط ..

و في نفس الوقت إن المدرب القادم يكون قوي شخصية و مميز و على مستوى عالي و يرفع من مستوى الفريق و يصنع من الهلال فريقا لا يقهر ..

جوزيه له مميزاته و له عيوبه كما ذكرت .. لكن من وجهة نظري سلبياته أكثر من إيجابياته فلا داعي للمغامرة و إحضار مدرب بهذه المواصفات ..

الأعضاء لا يلامون في اندفاعهم و من حقهم أن يطالبوا بعدم التعاقد مع جوزيه لقناعتهم التامة بأن المدرب المذكور لن يخدم الزعيم و غير مناسب لأن يكون المدير الفني لفريقنا ..

أما موضوع سامي و إنه مسك الفريق و حقق بطولة فالموضوع مختلف تماما .. أولا سامي ما مسك الفريق اللي مسكه هو مدرب الأولمبي هيكو بونان مع بعض المساعدة من سامي بحكم معرفته التامة بالفريق ..

ثانيا تغيير المدرب في منتصف الموسم غير من نفسية اللاعبين و من معنوياتهم و دفعهم لتقديم أفضل ما عندهم ليثبتوا إن الخلل كان من المدرب السابق .. و بعد فترة تراجع أداء الفريق و عاد كما كان لأن تأثير تغيير المدرب انتهى خلاص بتحقيق الكأس ..

أما في الأهلي المصري يختلف الوضع .. المدرب الوطني حسام البدري مسك الفريق من بداية الموسم و كان هو المدرب الرسمي للفريق بعد ما راح جوزيه للاتحاد و حقق نفس نجاحات جوزيه ..

بالنسبة للمنتخب السعودي و إن أغلبه من الهلال أنا أختلف معك في النقطة ذي بالذات في الفترة الأخيرة .. نشوف 7 ينضمون من الشباب و 6 من الاتحاد و 5 من الأهلي و 7 من الهلال ( طبعا الأعداد بالتقريب ) ..

يعني منتخبنا خليط من 4 أندية تقريبا و يحتاجون للتجانس إذا تجمعوا مع بعض .. بعكس منتخب مصر اللي أغلب الأساسيين فيه و هم تقريبا 8 إلى 9 لاعبين من نفس النادي اللي هو الأهلي .. و يقدمون نتايج ممتازة مع المدرب الوطني حسن شحاتة لما كان ماسك منتخبهم ..

أخيرا المدرب خورخي .. ما أنكر إن ودي يمسك فريقنا اليوم قبل بكرة لأسباب عديدة أهمها طريقة لعبه و أسلوبه بعد ما تابعته و تابعت الفريق اللي يدربه .. بإذن الله يكون مدربنا القادم ..

في النهاية كل الاحترام لك و لرأيك و نشكرك مرة أخرى على تقبلك لآرائنا ..