يا جماعة أنا ملاحظ شيء .. في كثير أعضاء أشوف تسجيلهم ماله إلا كم يوم و يمدحون في جوزيه و يقولون داهية ..
وش رأيكم بالموضوع ؟؟ جالسين يعززون لقدوم جوزيه ..
أنا أدعي ربي في كل صلاة إن جوزيه يبتعد عنا كل البعد .. مهما كلف الأمر ..
قسم بالله زلاتكو أو سامي لو مسك الفريق إنه أصرف من جوزيه بمليون مرة ..
ما يبي لها تفكير أو استشارة .. الكل الآن أصبح يفهم كورة .. ما وقفت على الشنيف و إلا نجيب الإمام ..
لكن بنصبر و بنشوف وش آخرتها .. لأن الاستعجال في الحكم مو مطلوب .. لكن من حقنا نعارض و نبين أسباب معارضتنا ..
اللي يظن إن حنا ما نبي جوزيه لأنه درب الاتحاد أقوله غلطان ..
اعتراضنا على طريقته و تكتيكه و أخلاقه و مشاكله و عمره اللي قارب على الـ 70 ..
بالإضافة إلى إنه مب قد الطموح و فشل في كل مكان درب فيه إلا الأهلي المصري اللي نقولها للمرة الألف يعتبر منتخب مصر ..
أي لاعب يبونه يجيبونه من مصر لأن ما لهم منافس .. بالتالي تجمعوا فيه أفضل لعيبة مصر ..
حاجة ثانية .. الأهلي المصري يعتمد على القوة البدنية و الالتحامات أكثر من أي شيء آخر بحكم البنية الجسمانية الجيدة للاعب المصري ..
عكس الطريقة السعودية اللي تعتمد على المهارة و الأداء الجماعي و التوظيف الصحيح ..
أدري طولت عليكم .. لكن مقهور بشدة بسبب المفلس جوزيه ..
