مرحبا ياحلوين
عساكم بخير


براسي كلام كثير بس فكري مشتت
بكتبها اللي عندي ع السريع



هالرجل انا متفائل فيه كثيييييير
خصوصاً ان ارتبطنا بـ مارتينيز وبغينا ننجلط وقتها خخخ!
انا قلت ان مارتينيز ممكن يكون افضل من داغليش بالتكتيك فقط بس مش ممكن يكون هو طموحنا
دالغليش تعاقد مع لاعبين واخطأ بالتعاقدات واخطأ بتوظيف اللااعبين اللي جابهم ولا استفاد منهم شيء
رودجرز مدرب تكتيكي بحت وكلنا شفنا وش سوى مع فريقه الصاعد للبريمر
طريقة لعبة تعتمد على الاستحواذ والطريقه هي اللي تنفع في الكوره الحين
الفريق اللي مايستحوذ ولا يسيطر سيطره كامله مستحيل يفوز الا بالحظ
طريقة لعبة تشابه برشلونه والارسنال بشكل كبير وهذا اللي اعجبني فيه
وبالشكل بتكون خطته 4-3-3 والخطه تمشي معنا حالياً بالاسماء اللي نملكها
وهي افضل طريقة لفريقنا واعتقد بتناسبنا كثير ، ومع تعاقداته المنتظره بيكون فريقنا غير
بس ينقصنا اطراف لتعفيل هالخطه ، اطرافنا مره مايساعدون الحين وافضل اسم عندنا بيلامي!
يعني لازم يعتاقد مع جناحين ، واتمنى جونسون يكون من نصيبنا
لكن المشكله ماراح تناسب كارول عندنا وبنسبه كبيره بيكون احتياطي وبديل لسواريز
سواريز افضل من كارول بالعمق وبالاختراقات ومش ممكن انك تلعب سواريز طرف وتضيعه
يعني مابنشوف كارول اذا كان بيلعب بـ خطة 4-3-3 ..
والمدرب قال انا مابعتمد على الكورات الطويله وبيعتمد على العمق ، والافضل يكون سواريز بالهجوم
واذا كان بيعتمد على كارول بيلعب 4-3-1-2 والخطه ذي بتمشي معنا اذا كان بيلعب بدون اجنحه
وبيعتمد على الاظهره بالاختراقات على الاطراف وباقي اللاعبين بيكونوا بالعمق
وبتكون التشكيله مثل كذا :

رينا
انريكي - اقير - سكرتل - جونسون
لوكاس
ادم - هندرسون
جيرارد
سواريز - كارول

طبعاً انا ماعتمدت على جوكول او اكويلاني لان الا الان ماتحدد مستقبلهم معنا
وكتبت التشكيله بالاسماء اللي نملكها ، يعني ننتظر تعاقدات واسماء افضل من اللي نملكها
يعني مدرب ممكن يسوي نقله كبيره بالفريق وبفكره وبتعاقداته ..
اول ماجاء فجرنا بالتصايح القويه وإن شاء الله يكون قد المسؤوليه





مبدع ياحمزززه

إقتباس رسمياً : جاري كاهيل خارج قائمه اليورو للمنتخب الانجليزي بعد اصابته ، وتم استدعاء مارتن كيلي لاعب ليفربول ليكون بديله بالتوفيق لمارتن كيلي : )

رب ضارة نافعه

إقتباس تبي تقنعني ان كل اللي يلعبون معنا يحبون الشعار ؟ روني وتيفيز كلهم طلعوا بتصريحات مثل وجيهم وبغوا يطلعون بس رجعوا وابدعوا وجلسوا ! الشعار وحب الشعار والكلام الفاضي ذا معد ينفع الحين واذا مشينا على هالكلام منب متعدين المركز السادس ! هالوقت وقت احتراف وقت فلوس زمن الشعار ولٌا خلاص ! لازم نمسك اكويلاني ونقوله ينطق غصب يزعل شهر ثم بيعجبه الوضع اذا لعب اساسي وابدع خصوصا مع طريقة براند اللي تناسبه .. بيعجبه الووضع وهو بنفسه بيقول ابي اجلس !

اتفق مع فيصل
مافي لاعبين يلعبون للشعار الحين .. الحين زمن الاحتراف
ماعاد فيه لاعبين مثل جيرارد يلعبون للشعار

إقتباس الرسالة الأصلية كتبت بواسطة هلااا ليفربولي الي صصصصصبآآآح الخيرات جميعآآ آخر فصصل دراسي ومنشغلين بالاختبارات بكره اخر اختبار ونتخررررج بس مدري وش دخلني النت احسسس مشتاق للرابطه حيل حيل :/ عموما انا متابع لجميع الاخبار والتصاريح وكل شئ صار .. عندي رجعه ونظرهـ بسيطه على المدرب الجديدهـ والاعبين والتصصور للموسم القادم ~ لي رجعه قويه باذن الله ~ وممممممبروكين المدرب ياسكاوزيه ق1

الف مبروك التخرج
وإن شاء الله تنال اللي تبيه
عقبال عندنا وعند باقي الشباب