السلام عليكم ورحمة الله وبركاته
















نزلت شرائح موبايلي تقريبا قبل أسبوعين والشريحة الآن سعرها 150 ريال مسبوقة الدفع لمدة3شهور


تقدر تحولها إلى عادي فيما بعد

الشرايح مايطلعونها لأقل من18عام إذا كنت أقل لازم تطلعها مع واحد كبير أخوك أو أبوك

ونقطة أخرى أحب أوضحها أنه أول الأيام كانوا يخيرونك بين عشر أرقام بس اللحين يعطوك الشريحة ويقولون لك ندق عليك

وتعرف رقمك بسبب الزحمة ماصار يخيرونك بين عشر أرقام

أول ماتستلم الشريحة يقولك تشتغل بعد ساعة يوم تدخل الشريحة يقولك لم يتم تسجيل بطاقةsimعادي لاتنفجع

تقريبا جوالك يشتغل بعد ساعة ونص أو ساعتين على الأقل بعد ماتشتغل الشريحة بعض الأحيان يقولك الرقم اللي تدق عليه

محظور أو الرقم غير مستخدم ويوم سألتهم قالوا ليي طبيعي علشانا تونا بادين في تشغيل الشبكة

المهم الآن بعد 5أيام من التجربة أكتشفت مايلي أو فعلت مايلي:

شغلت خدمة الوسائط المتعددة بس لازم تدق عليهم يرد عليك رجل آلي لمدة خمس دقايق يثرثر بعد كذا يرد عليك موظف

يقولك أهلا أي خدمة تقوله أبغى الوسائط المتعددة يقولك راح يرسلك رسالة أفتحها ودخل الرمز 1234 بعد كذا خيارات حفظ

وإعادة التشغيل للجوال بعد كذا الخدمة شغالة عندك مثل الحلاوة.


بالنسبة لخدمة موبايلي الي مثل أبواب أنا في رأي أنها أفضل من أبواب بكثير بحيث أن الأخبار جديدة جدا

وبالنسبة للأخبار الرياضية في الدوري السعودي والإيطالي والأسباني ولإنجليزي.


ملاحظة: لايمكنك الإتصال على905 يقولك الرقم غير مستخدم أنا قلت علشان تابعة للإتصالات السعودية مااحد يقدر يتصل

إلا عملاء الإتصالات السعودية..








ملاحظة مهمة جدا :

أنا أفكر جديا بإلغاء شريحتي من موبايلي بسبب غلاء الأسعار لأني كلمت 16 ثانية تقريبا سعرها ربع ريال

وغير كذا خدمات الجيل الثالث تشتغل في 2006 يعني وش زادوا عن الإتصالات السعودية غير غلاء الأسعار

وإذا صار عندهم خلل ولاشيء تعذروا بأنهم شركة جديدة.