إقتباس الرسالة الأصلية كتبت بواسطة هلالي معالي انا اتفق معك بشكل جزئي فيما قلت ، اختبارات مركز قياس ليست مقياس عادل للطلاب و إنما اختبار يتدمر فيه طموح كثير من الطلاب و هو اختبار قائم على الحظ اكثر من القدره انا عن نفسي شديت بشكل ما تتصوره في الترم الاول و جبت درجه عاليه و الحمدلله و فيه معي بالفصل واحد قسم بالله دآج لدرجة انه ما عنده كتب درآسيه و يداوم بكتب 2 ثانوي جآيب اعلى مني و هو على الحظ اختبار القدرات و التحصيلي رآئع لكن توزيع معايير القبول من الجآمعات و غيرهم غير عادل ابداً 3 سنوات ثانوي تساوي 30٪ و القدرات و التحصيلي معاً 70٪ يعني لو اجيب 0٪ في الثانوي و اختبارات قياس اذا جبت فيها من 95 و فوق كآن دخلت اذا هو بحق معيار قياس عادل انا عرف واحد شخصياً جآيب نسبة من المدرسة في ثاني ثانوي 100٪ و في ثالث ثانوي 99.56٪ و القدرات جاب 95 و التحصيلي 92 قدم على جامعة الملك سعود تخصص طب رفضوه و انقبل في جامعة في المدينة المنورة و راح يدرس هناك و فيه مصري كان معنا السنه الي راحت جاب 100٪ في ثالث و في ثاني جاب 98٪ و القدرات و التحصيلي كلها في الـ90 قدم طب دخلوه صيدله!! اي ظلم نعيشه حنا اختبارات مركز قياس اختصاراً مشروع تجآري نآجح ولا يمكن الخساره فيه انا عن نفسي تخصص علمي و آخر اختبار اختبرته جآني 4 اقسام فقط!! بمجموع 96 سؤال بالضبط اختبرت يوم الخميس في مبنى المدرجآت في جامعة الملك سعود و سألت المراقبين يقولون هذي الاسئله و غيري في نفس اليوم مختربين 6 اقسام بمجموع 150 سؤال !! و جبت 77 اذا عطوني القسمين الباقيين كآن جبت اعلى لكن وش اسوي هذا يقولون لي هذي الاسئله الي جتنا اختبارات مركز قياس لو كآنت مقالية غير اختياريه و تتوزع نسب معايير القبول بالتساوي او بالعدل بين القدرات و التحصيلي و شهادة الثانوية العامة هذا شيء معقول و مقبول لكن 40٪ من التحصيلي و 30٪ قدرات يعني اذا لا سمح الله جبت العيد في واحد منهم مالك مقعد في الجآمعه انا كطالب ادرس اكثر من 13 منهج اجباري و كلها اختبرهم آخر السنه و انا بصراحه ما اشوف اني استفدت في اي شيء من المنآهج هذي الا الانقليزي بصرآحه الطالب يحدد تخصص او رغبته الجآمعيه من 1 ثانوي او كما في بعض الدول من 3rd I termediate الثالث المتوسط و يعطوني الموآد او الاسس الي قآئم عليها التخصص الي ارغب فيه مثلاً ابغى اتخصص طب يعطيني انقلش و رياضيات و احياء و كيمياء ابغى اتخصص اقتصاد يعطيني رياضيات و انقليزي و احصاء وهكذا لكن مسأله انك بتحشو المنهج حشو على غير سنع و تقيس عليها قبولي في الجآمعه قسم بالله ظلم ليه ما نبدع حنا في المجالات الفردية ؟ لان ما فيه تنمية في التعليم ابداً منآهج من العصر الكريستآلي موجودة و لا شفنا فيها اي فآئدة الا الي تخصص تخصصات مثل الطب و الهندسة و غيرها و فائده قليله و قسم بالله معادلات الدوال الحقيقه و التفاضل و التكامل و غيرها من هذي الدروسة انا ابغى ادرسها عندما احتآجها اما اني ابتخصص تخصص ادارة اعمال و تعطيني هالكم الهآئل من المعلومات طبيعي ما راح اجيب فيها زين لاني مجبر عليها الكلام موب موجه للدحمي لكن للكل و للدحمي ايضاً

أنا أعتقد أن الدكتور المشاري كان صادقًا لكن هذا لا يعني وجود شواذ لما ذكره من حقائق ، ربما زميلك أحد الاستثناءات لكن في المجمل والسواد الأعظم يحصلون على درجات متوازية ، بمعنى من يحصل على درجات عالية في القدرات والتحصيلي يحصل على درجات عالية في الثانوية وهذا هو الغالب وربما تكون هناك حالات محدودة جدًا مُستثناة. صاحبك اللي ما انقبل طب أرجو أنك تتأكد من قصته! الرجل هذا ممكن يقبل في جامعة الملك سعود بن عبدالعزيز للعلوم الصحية اللي فيها أقوى كلية طب في السعودية وبدون نقاش! وكذلك مقبول في برنامج الملك عبدالله للابتعاث، ومقبول في السنة التحضيرية للكليات الصحية في جامعة الملك سعود وأعتقد أن حظوظه ستكون عالية للدخول في كلية الطب كونه من المؤكد والعلم عند الله أنه سيحرز معدل عالي في السنة التحضيرية.
أما قصة زميلك الأجنبي فنعم الأجانب لا تكون لهم الأولوية حتى لو كان الأجنبي الأفضل وهذا موضوع آخر ليس محور نقاشنا.

ما يخص التعليم العام فهو موضوع مختلف وكونك تكون مؤهل لاختيار تخصصك من المتوسط فهذا موضوع كبير لا أعتقد أنه من السهولة بمكان أن يطبق الآن، إذا أردنا أن نطبق هذا النظام فيجب أن نقره الآن وأول جيل يقرر يكون بعد 9 سنوات.

في نظري اختباري القدرات والتحصيلي أكثر عدلًا من اختبارات الثانوية ، لذلك من يحرز درجات أعلى في هذين الاختبارين هو الأحق بالمقعد الجامعي.