يآ شبآب مدري ليه متشائم اليوم
احسآسي يقول أن البطولة للبآيرن !
يارب يكون احساسي غلط ونفوز ..
شفت تصريحات للاعبين البآيرن وجمهورهـ فيهم حمآس بشكل مو طبيعي !
واللي خآيف منه هدف بأول الدقايق ويضيع الفريق ..
لان تعرفون غالبا إذا احد تقدم علينا صعب علينا قلب النتيجة ..
عكس إذا تقدمنا دايم نفوز .. إذا كان دروجبا - لامبارد - اشلي - تشيك بالفورمه !
محد يقدر علينا .. صحيح أننا بنفقد الوحش رآميريز وايفا .. وحمآس ميرليس
والقائد تيري ..
اتمنى من دي ماتيو أنه ما يجازف من بداية المباراة ويدخل مهاجم .. لان دفاعنا ماله الا مباراتين لاعبين مع بعض ! ومو متفاهمين زي تيري وايفا ..

تشكيلة المباراة المثاليه والمنطقيه ..

تشيك

اشلي - كاهيل - لويز - بوسي

ايسيان - مايكيل

ماتا - لامبارد - كالو

ديديه

الاعتماد الكلي على الهجمات المرتدهـ .. واللعب كرات طويله للفيل ..
الضغط على حامل الكرة والرقابه اللصيقه على روبن - ريبري ..
عدم السماح للبايرن بالتسديد عندهم روبن وريبري وشفان يشوتون !
وأن شآء الله نخطف الفوز مع أني مااعتقد ..

من جآنب البآيرن ..

حمآسهم كبير لتحقيق اللقب وجمهورهم مستعد للأحتفالات من قبل لا تبدأ المباراة ؟!
الجمهور مو معطي تشلسي أي حسآب أما اللاعبين تصريحاتهم منطقيه ..
صحيح عامل الارض والجمهور يلعب مع البايرن بس ممكن يصير ضغط على لاعبينهم
عشان يحققون الفوز .. غياب جوستافو وباشتوبر والبا مؤثر .. وخآصتاَ الاول والاخير ..
البايرن ما عندهـ البديل الممتاز اللي يغطي على اساسينه زي تشلسي ..
روبن شكوك حول مشاركه وانه مصآب بالحمى ودرجة حرارته 40 أن شاء الله
توصل 50 ومآ يلعب .. وسط البآيرن هجومي كله يعني ما فيه محور دفاعي
عكس تشلسي كل المحورين دفاعيين وهي ميزه انهم يهاجمون على تشلسي 90
وشينه انهم بيتركون مسآحات بالخلف ..

التشكيلة المتوقعه للبايرن

نوير

لام - بواتينق - فان بويتن - رافينها

شفان - كروس

ريبري - مولر - روبن

قوميز

قوة البايرن في ريبري - روبن في الاطراف والعرضيات لقويمز
وضعف في العمق الدفاعي بواتينق - بويتن - شفان - كروس ..


ابرز اللاعبين

حراس المرمى رآح يخلون المباراة فيها اقل عدد من الاهداف يعني ممكن تنتهي 1-0 او 2-1 وممكن سلبيه الى البلنتيات ..




نوير حارس متألق واثبت انه حآرس كبير متميزبصد بالبلنتيات ..




تشيك هو ابرز لاعب بـ تشلسي حآرس خرافي ورآح يتعب هجوم البايرن كثير !
وفي احصائية تقول ان تشيك اكثر حارس صد كور في اوروبا !




الثنائي المرعب .. ! اجنحه الكل يتمنى يضمها لفريقه .. وهم ابزر مفاتيح اللعب بـ البايرن ..




روح تشلسي دروجبا القناص الفيل والعقل المفكر فرانك لامبارد إذا كانوا بالفورمه لا احد يقف اما اسود لندن




حظوظ الفريقين ؟

حظوظ البايرن اكثر من تشلسي لان المباراة على ارضه ..
نسبة فوز البايرن 60% وتشلسي 40%

نتيجة المباراة ؟

اتوقعها فوز للبايرن ( للاسف )
2-1 للبايرن !
ركنيه من فان بويتن + رأسيه من قوميز
لنا دروجبا انفراده

واتمناها لنا بأي نتيجة !!





هل يبتسم الحظ لو لمره واحدهـ ويحقق تشلسي حلمه !؟ أم تبقى عقده لنا !
ابتسمي يآ ذآت الاذنين ابتسمي