| لاتعتذر مال الهجر منكـ تبريـــــــر
وصدكـ بليا ذنب والله ظليمه
ماصارلي بعدكـ يفوق اي تصوير
تجددت كل الجروح القديمه
بعدكـ لعب في هاجسي والتفاكير
وقلبن جريح وروح صبن مهيمه
ماغير اسلي خاطري بالمشاوير
اروح ورجع والهواجس مقيمه
ياحبي اللي بين بيض الغنادير
لك في عروش القلب قدرن وقيمه
ان كان صدك ماخذك عني للغير
روح ولو ان الخساير وخيمه
ون كانها عني خذتك المقادير
فالعفو عند المقدره منكـ شيمه
يامرحبا والحب كله معاذير
تشفعلكـ ايام الغرام القديمه
يوم الهوى لازارني منكـ عصير
اضم في صدري من اجلكـ نسيمه
واليوم اصبر خاطر الوقت تصبير
واقول صدكـ عقب وصلكـ جريمهـ
ولاجاك مني ياهوى البال تقصير
مواقفي وياكـ والله عظيمه
وصخرت لكـ مشاعر الشوق تصخير
وامطرتكـ بحبن تقفاه ديمه
وظللتكـ بجفني وصارت مسافير
يوم الغلا بين النديم ونديمه
واليوم ماتنفع كثير المحاذير
وتفاغمت بين النفوس الحشيمه
وعسى سنينك روض عشب ونواوير
محد لنفسه يرتضي بالهزيمه
اما تخاويني على الشر والخير
ولا السلامهـ منكـ راس الغنيمه | 