| رحلت عن نفسـي بليّـا مواعيـد
................... وأرغمت شوقي يحتضر في كياني
عامين مرّت بي وانا أقول وآعيـد
................... عشت بزمن لو كان ماهو زمانـي
ياطول دربـي والليالـي سراميـد
..................... بين الضياع وبيـن هـمٍ دعانـي
في نظرتي ياباقي العمـر تمجيـد
..................... حتى لو إن الحـظ قـام ونهانـي
تاخذني [ الوحده ] عن الناس لبعيد
.................. وأغيب وأنسى في مكاني مكانـي
دام العذاب اللي قتل فرحـة العيـد
................ عاش وترعرع بالضلوع المحانـي
وجه الضحى بانت عليه التجاعيـد
.................. يبكي على موت الأمل في ثوانـي
وصدر المساء ضم العنا والتناهيـد
................. من ضنكته غابت جميـع الأمانـي
رحلت عن نفسي وأنا أقول وأعيد
................ عشت بزمن لو كان ماهو زمانـي | 