السلام عليكم حبايبنا ..
انتهى الموسم بخيره وشره .. انتهى الموسم بأداء كتلوني بطولي .. بداية الموسم ماكنا نتصور ان هالشغلات الي صارت انها تصير .. لكن كل شي مقدر ومكتوب .. شغلات كثيره كانت ضد الفريق .. الاصابات لعبت بحسبتنا لعب .. تدهور المستوى التهديفي للفريق كان سببه اصابة فيا في كأس العالم للانديه .. من بعدها والفريق صاير مهب يدل الباب زين .. طبعا ناهيك عن الزرفات الي صارت ومازالت تصير .. أجل آخر مباراة يعني مفروض تخلي الناس تنسى اللي صار وتبدا صفحة جديده معهم وتقولهم عفى الله عن ما سلف .. تزرفهم ببلنتيي اوضح من بلنتي رونالدينهو موسم 07 مع ديارا!؟ < لا امزح الصدز ماهنا اوضح من ذاك.
لكن يله مقيوله .. هذاهم ماكلين خابور بكل محل ماغير يمشون بالدوري وازرف وامش .. لو بهم خير سووا شي بالابطال! .. وين حنا الكويسين الذين نفوز.
برأيي أهم خطوه يسويها الفريق قبل بداية الموسم القادم هو تعزيز الدكه! .. اللاعبين ماهم آلات والدكه مافيها اللاعبين الي يُعتمد عليهم .. المواسم الماضيه كنا ناكل الاخضر واليابس لانه كان عندنا دكه لاباس كويسه .. فريق الصرب وش مخليهم يمشون على رتم واحد الا هالاحتياط الي عندهم .. الاحتياط أمر مهم جدا في أي فريق وبإذن الله يجي التعزيز في موسم الانتقالات ..
بالنسبة لأفراح جماهير الصرب فـ اذكر شي صار بموسم 2006 - 2007 يوم ياخذون الدوري بالنظام بعد زرفتهم لمباراة الاياب معنا يوم طرد ألقوير وبلنتي روني ووو إلخ .. اذكر طلعت اصوات تقول اييييه هذا الملكي اذا افاق اكل كل شي هذا الملكي الذي اذا هَهْ تراوه هًهْ .. وهلم جرا من مايندى له الجبين من كلام فاهي ..
نفس الكلام طلع الحين .. هذا الريال وهذا الريال ويوم رجعنا اختفيتوا ويوم رجعنا اكلنا كل شي .. المشكله بعض المعتوهين "المعتوهين يمكن أقصد مشجعين الريال الاصليين الاسبانيين يعني .. لايقعدون يصايحون عن المشرفين ذولا بعد" لو يفكرون لحظه وحده كان عروفوا انهم من جنبه .. يابيْي يومننا صاحين اخذنا 6 بطولات وعطيناك 6 بأرضك وعيونك تطاير .. تجي تقولي حنا يوم افقنا .. أقول اركد بس .. المشكله لو يشغل مخيخه بيدري انه مقلل من مستوى فريقه .. يوم فريقك ممتاز ومادري ايش .. ماحققا الا الدوري وباللعنه وبانواع الزرفات .. يعني هذا اقصى ماتقدر عليه يافاهي؟ لا وما أخذت الدوري الا قبل نهاية بجولتين ..
لا ويجيك واحد يقول انتم افضل تشكيله لكم وافضل تشكيله بالتاريخ واحسن واحسن .. يعني بالغصب حنا كويسين وفايزين بالدوري .. خلاص يخوي محد قال انكم وعين بس لااحط من تفكيرك علشان كوره .. رفْع عقلك شوي!.
المعذره على الشطحه .. لكن أقول هارد لك خراب منتدى العالميه من الحين .. هم فازوا بالدوري بس؟ الله من الحواق بالعالميه .. يعني زيادتن على حواقه حواق.
. .. . .. . .. . .. .
بالنسبة لتيتو أتمنى له التوفيق مع الفريق واتوقع له مستقبل مميز مع الفريق بإذن الله .. لكن هل شخصيته قويه لهذا الحد كما كان بيب مع اللاعبين والغرامات اللي نتذكرها بأول موسم له اللي يتاخر خمس دقايق يرزعه بمخالفه راتب يوم او اكثر!؟ .. ممكن ليش لا .
بالتوفيق للفريق في مبارياته القادمه بإذن الله .. وبالتوفيق للفريق في مباراة نهائي الكأس المكسوره .. مهب طموحنا لكن عاد .. أذكركم بكلام الاخوه مشجعي نادي الصرب يوم اخذوه العام كيف خلوه اهم من بطولة الابطال .. وكيف ان مدربهم خلوه .. افضل من بيب .. اذكركم وش بيقولون عن الكاس هالسنه .. وعن مدربنا .. علشان تعرفون ان بعض العقول في راحه.
