إقتباس الرسالة الأصلية كتبت بواسطة вίαηcσηεяι الله يعطيكم العافيه شباب على المجهود لي تبذلونه في الرابطه والسموحه منكم على قل المشاركه الفتره الاخيره ماتميت في بلد اكثر من 4 ايام بحكم العمل, لكن معكم اتابع الاخبار اول باول. كثره الاشاعات الفتره الاخيره بخصوص الميركاتوا .. وتقريبا ماتم لاعب الا وربطووه باليوفي بغض النظر عن كل الاسماء اتمنى ان الفريق يركز على اربع لعيبه 1- اعاده جيوفينكو 2- سواريز حتى لو يدفعون فيه 30 مليون 3- دزيكو 4- كورولاف هذي الاسامي تعتبر جاهزه للعب ولا اظن يبغيلها وقت للتكيف بحكم خبراتهم وبنفس الوقت تصعيد اليت البرازيلي وجلب بوقوبا من مانشيستر يونايتد ولويس المهاجم الكولومبي في فريق ليتشي. اما بخصوص فان بيرسي وروبين صحيح انهم لاعبين كبار ولهم وزنهم لكن ماظن انهم راح يتركون فرقهم الحينه وصعب انك تجيبهم.

أخالفك الرأي برقم 1 و 4

بالنسبه لجيوفنكو اللاعب مغرور وفيه شوفة نفس ابتداء منه وانتهاء بمدير أعماله ،، ماننسى البهذله الي سواه وشوفة نفسه على اليوفي من يوم ما جددو له اعتقد ب2007 هو وماركيزيو وجلس يزبل يبي عرض أكبر وبعدها أشغل العالم وقال ما أبي أجلس احتياط وهو توه بزر وحط نفسه خليفة دلبييرو وهو توه بزر ولا يسوى ظفر دلبييرو. وبعد ما استعز اليوفي جا يتميلح ،، باختصار ايطالي بطبايع مصري من الي تعطيه 10 وتقول أبيك تصيح ويصيح ،، أهم شي عنده الفلوس ،، مثل هالنوعيه تسبب مشاكل للفريق ،، إبرا وهو كان ظاهره ببدايته مع اليوفي كنت أكره الفريق لاشفت غطرسته وشوفة نفسه ولا انبسطت الا يوم انقلع وهو ابرا وفنان ماهو عاد هالقزم ،،أتمنى من كل قلبي ما يجي

وبالنسبه لكولاروف اللاعب عادي حاليا ومايفرق كثير عن اللي عندك بالعكس دي تشيلي افضل لياقيا وأسرع وبتطور مستمر وما أشوف انه سيء ولا أشوف ان كولا روف أفضل. وحتى كيلليني يلعب بهالخانه وبرضه كاسيراس ،، فا حرام يضيع مبلغ على خانه انت مكتفي فيها ،،

عيب الفريق واضح وهو الهجوم ،، ومهاجم واحد سوبر يكفي ،، ولو جا ثنين خير وبركه

بس من فيه احتياط بيرلو ؟ موسم كامل والحمد لله ما أصيب ،، لا يكون بدوي مدري بادوين اللي ينتفظ لا مسك الكوره ؟ الفريق يبيله هجوم أولا وبعده احتياط لا يقل عن جودة الثلاثي