نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - EPL 36 [ ديربي اللقب لسيتزن براسيه كومباني ، والليفر بهاترك سواريز ينتصر ، والبلوز يحرق كيو بي ار بالسته ، وارسنال تعادل ]

kun khalid · #2 03/05/2012, 03:10 AM

الحمد لله على كل حال ، ثاني خساره للكوتش ماتيو ولا أحمله الهزيمه مثل م حملها إياه البعض ، ماتيو م قصر معك بالفتره الي كان الفريق فيها شبه ميت ، وجاك وعطاك أمل ف بطولتين وحده منهم م خطرت على بال أي تشلساوي إننا بنوصل لها المرحله ! بس الحمد لله ماتيو م قصر وشال الفريق فوق عاتقه ، ورانا نهائي كاس قدام الليفر وهذا سبب الي خلاه يدخل بها التشكيله ، ريح لامبارد الي أكثر واحد بالفريق إحتاج للراحه ، وكذلك ماتا ، زج بـ البرطم الدرج على أساس بينفعك ويقدم لك شي لكن المزاجيه وماتفعل ، ها الاعب بالفتره الأخيره جالس يقنعني إنه مقلب ومقلب كبير بعد ، أتمنى إن م تحسن نشوته مع الكديش الي ماغير لهط بها الرواتب وداخل الملعب ( 0 ) ولا كانه يلعب ، وفوق كذا لما يجيك واحد يسمع عن أساسيات الظهير الأيمن ولا يعرف يغطي ويهجم صح وش تسوي فيه ؟ الهدف الأول يتحمله الي م يتسماش ، ليته سنتر كان يفكنا من حواقه ومن خشته بها المركز ، فوق كذا الفريق بالشوط الأول يلعب بدون صانع لعب حقيقي ، تشوف مافيه إلا توريس الي يحرث ويراكض بالمقدمه والبقيه عليهم السـلام ، شوط من أسوء أشواط تشلسي مع ماتيو ، ذكرني بمستويات السباك بواش على أيامه ، بس مع الشوط الثاني تدارك الوضع ونزل بـ ماتا وديديه ولامبارد ، ومسكنا اللعب بس نيوكاسل طلعو بالي يبونه وتراجعو كلهم للدفاع ولدغونا بهدف لا يصد ولا يرد من الداهيه سيسيه قتل فيه أملنا بالتعادل ، الفريق ماكان بذاك السوء بس تناظر للكرف الي كرفوه قبل مابتلومهم على ها الهزيمه ، صح مركز رابع ومؤهل وتبي تضمن بس لا صار عندك أمل التأهل بطريقه مباشره فبإذن الله ضياع المركز الرابع ما بنندم عليه ، وإن شاء الله يكون دافع بنهائي الأبطال بتحقيق المستعصيه وبنفس الوقت اللعب بالأبطال للموسم القادم ، نيوكاسل أعتبره الحصان الأسود بها الموسم فريق محترم ويقدم مستويات مع إن عناصرهه والأسماء الي عندهه محدودهه لكن كـ عطاء ف أرض الملعب ! شي عجيب ، يكفيك سيسيه الي من جا لمهم وهو متفلت أهداف لدرجه يناظرهه با ويقوله ي رجل تراك أكلت الجو علي خخخ ، فريقنا اليوم مشكلته كانت بالوسط ، الحلول بالوسط معدومه ، ميريليش ضايع ومب ف يومه ، فهاوه مب طبيعيه منه وكرات تضيع منه بسهوله مب عوايده مع إنه مريح بالمباراه الي قبلها ! مالودا م يعطيك مثل مايعطيك ماتا ، بس مع ذلك ماقصر وكان أسوء الموجودين ، ستوريدج إنسان يفكر ب مصلحه نفسه ، أنانيه وعك مب طبيعي ، مجرد تجيه الكوره كل تفكيره ( مربع + R2 ) مسوي أنا الإنسان الوضيع والي بنشب الحارس ! ، توريس لحاله بها الشوط الي كان يشتغل - أتكلم عن الشوط الأول - ، بالثاني ضغطنا أكثر وحصلتنا فرص بس إستبسال دفاع نيوكاسل كان صامد ، يكفيك كوره تيري الي طلعها كدشهم من المرمى تعطيك شعور إنك مب مسجل دام ها الدفاع موجود ، وكنت حاس بنفس الوقت إننا بنلقم هدف ثاني يقتلنا مامداني طلعت أفتح لـ خويي الباب ورجعت وإلا سيسيه لاقمنا بهدف أسطوري خخخ وقتها قلت مالنا إلا ( أم أذان ) هي الي بتأهلنا وتكرش الضحيه الي بيكون مأمل بالمركز الرابع

رجع ، صدقوني رجع .. تشوف قتاليته وحماسه ودك تدق على الحارس الي ضدكم وتقوله تكفى لا تستقعد وتحطمه خله يسجل ، ضبطوله وسط يطربه وبتشوفون الإجرام التهديفي الي بيسويه ، إذا بس مدرب طيب خاطره وقال لـ ماتا لا أوصيك ضبطه خلانا نشوف ها المستوى البطل منه شلون لو جبنا له وسط بدال العاهات الي عندنا ؟ بينفجر أكثر من الإنفجار الي جالس يعيشه الفتره الحاليه ، فالك بطوله الكاس ، متفائل به كثير ولو إنه بيواجه ضغوط ضد فريقه السابق بس بحول الله بتكون له كلمه بالنهائي

إلى مزبله التاريخ ، حتى وأنت وجهك متعفط ومسوي فيها جاد م تمشي الأمور معك ولا بتقنعني ف يوم إنك لاعب ظهير ،

طلع بهجمه بمركز الأسطوري ( ستوريدج ) وعطاه درس بكيفيه المراوغه وتمرير الكورهه بكل سهوله ومن بين الأقدام بعد ورجع لـ مركزهه ، إذا سنتر وهو سنتر سوى كذا وأنت بمركزك حتى خطوره وحده منت قادر ،! الجهه اليمنى من يكون فيها ستوريدج إعرف إنها بتكون ميته ، ولا بتشكل ولا 1% خطورهه من ها الجهه ، ماقصرت ي الليدر ، عطنا الكاس يوم السبت بس

أشلي كول القادم ، م قصر البطل ، بكل فرصه إنعطت له بها الموسم جالس يلجم ويقدم مستويات بطله ، واصل ي برتراند

تسجيل إعجاب بهذا المهاجم

مايرحم قدام الباب

عطه كوره داخل الـ 16 وأبشر باللي يسكنها لك داخل الباب لو توقف 6 حراس ، قتلني هدفه

خلاني أوقف وأصفق وأعلنها بصريح العبارهه ( علقكك ي تشيك ) ، خرافي خرافي خرافي ي سيسيه

محسودين بتواجدك معنا ف البريمر ، والمحسود الأكبر فيك نيوكاسل

وفخر لنا إننا نشوف الصوره أعلاه ونحمد الله على كونك مسلم

مشدود له قبل وبعد ها المباراه شدني بشكل أكبر

يستحق المتابعه

هاردلكم تشلساويه / الأمل موجود ما إنتهى ، وبحول الله ننهي ها الموسم بشكل مثالي