س(51) ما هوأحرج موقف مر عليك ؟

ج(51) الحقيقه أحرج موقف علي وكان في نفس الوقت (( مرعب )) انه في أحد السفرات مع الاهل خارج المملكه وبالتحديد في تركيا , أستأجرنا احد المنازل (( دور ارضي )) في احد الاحياء , وكانت الدور الثاني يسكن به صاحب البيت مع عائلته وكان يملك امام البيت شبك متوسط الحجم وكان به (( واحد من اكبر الكلاب في العالم )) يمكن لو وقف على رجلين طلع طولي

وكان مايعطي هذا الكلب أكله الا اولاد وبنات صاحب المنزل (( اللي هم انفسهم يخافون من هذا الكلب )) ,,,

وفي احد المرات كنت انتظر أهلي خارج البيت ولم اكن ابعد سوى خطوات بس عن باب البيت , الا وأشوف (( البنتين )) بنات صاحب المنزل يركضون بسرعه الى بيتهم (( وانا مستغرب )) ماكنت داري وش اللي منتظرني من مفاجأه غير سعيده ,,,

الا الاخ (( الكلب الكبير )) كان خارج السور والبنتين شكلهم يوم شافوه طلع بره السور (( انحاشوا )) واتركوني انا اصور معه صوره (( سريعه في الشارع ))

المهم كلها لحظات بيني وبينه نتبادل النظرات (( وانا طاقتني ام الركب ولو كان فيه ام المرافق كان طقتني بعد )) المهم كلها شوى وانا اسمع باب البيت (( اتقفل)) اخوي الصغير (( جحدني )) بدال مايناديني ادخل صك الباب وتركني معه

وماتشوف الا (( غباري )) في الشارع وقعدت (( امتره )) رايح وجاي , و على كثر الناس (( اللي يتفرجون )) مالحق الا انا (( عنده ذوق )) (( الله من زين التصريفه )) , لا والبنتين انواع البراءه قاعدين يطلون من السطح على (( هالمطارده البريه )) ,,,

وكملها اهلي (( جحدوني )) يتفرجون علي من الشباك خايفين اذا فتحوا الباب يدخل عليهم هالكلب , قالوا واحد يروح ولا كل البيت يروح ,,,

وكلها دقايق من الركض يمين ويسار وشمال وجنوب (( اول مره اعرف اني سريع )) الا ويجي صاحب الكلب ويناديه ويروح له ويفكني منه ,,,,


وهذا كان احرج موقف قدام العالم في الشارع (( والوالد بين فتره وفتره يذكرني فيه ويضحك ))


ها ها ها ها أحلى سؤال وأحلى أجابة :p

سؤال ممكن :-

ماهو حيوانك المفضل