الموضوع: || CUL || تشلسي يتعادل في الكامب نو ويطير لميونخ .. و البايرن من البرنابيو يطير الي ميونخ بضربات الترجيح | CUL ||
مشاهدة مشاركة بصفحة مستقلة
  #1  
قديم 25/04/2012, 01:59 PM
الصورة الرمزية الخاصة بـ kun khalid
kun khalid kun khalid غير متواجد حالياً
مشرف منتدى الرياضة العربية والعالمية
رئيس رابطة تشيلسي
تاريخ التسجيل: 23/02/2009
مشاركات: 2,075


تشلسي تشلسي تشلسي

والله ي هو إنتصار ومحليه أكثر الظروف الي جات معه بكثر ماهو رد للثار إلا إنه على قوله البلطان ( إنتصار للقيم إنتصار للعداله ) خخخ ،، ماكان شي متوقع للأمانه بس كبرياء تشلسي يأبى بالسقوط ، فريق قهر كل الظروف ، مر بأزمه تدريبيه ومشاكل متعود نشوفها بكل موسم ، توقعناه موسم للنسيان بس الفريق يقولنا عيب عليكم ،، تراكم تتابعون شي إسمه تشلسي مسك الوضع الثعلب دي ماتيو الأمور وقلبها رأس على عقب ،، تعامل مع الأمور بكل سلاسه وبدون فلسفه والفريق حالياً بأسوء مواسمه يوصل لنهائي الكاس نهائي الأبطال والأمل بالمركز الرابع بالدوري والمؤهل للأبطال لازال الأمل فيه موجود مسأله إنكك تلعب بـ 10 لاعبين من الدقيقه 35 وتلقم هدفين شي عادي ومتوقع ، بس الشي الي عجز يدخل راسي إنك ترجع للمباراه وتسجل هدفين من فرصتين سنحت لك فقط طول الـ 90 دقيقه ، أنا ما أهضم حق برشلونه بس ترى الإستحواذ مب كل شي ، لا صار أستحواذك على غير سنع وش الفايده منه ؟ هذاه تشلسي مخلي لكم الإستحواذ 180 دقيقه وبثلاث فرص فقط لقمكم بثلاث أهداف ، مشكله برشلونه المبالغه بالشي الي مفتخرين فيه ، صح إننا قامطين دفاع بكامل الفريق بس م نسينا شي إسمه مرتدات تنهي لك المباراه ، لعبنا على حلين طلعنا فيها بتأهل لنهائي الفاينل ، وإنتو مستكثرين حتى التسديد من خارج منطقه الـ 18 الي جرب منها ميسي بفتره من فترات المباراه وراحت للعارضه ! ، لو تلاحظون هدف برشلونه الثاني كان تشلسي متقدم وطالع من مناطقه الدفاعيه وهذا الي أعطى برشلونه مساحه للعب الكره السريعه ونتج عنها هدف ثاني ، طيب ليه م تخلي إستحواذك على جنب 10 دقايق وتسلم خصمك الكوره وتخليه يطلع من مناطقه ومن ثم تستغل تقدمه بـ لعب إرتداد سريع ! أنت بكذا أعطيت نفسك حلول وفكيت شي إسمه تكتل دفاعي ، مسأله إنك تأكس بالكوره طول المباراه وتجيني وتقولي إستحوذنا وطقطقنا ماهوب منطق ! ، المنطق إني بـ فرصتين قتلتك وتأهلت للنهائي ، هذا بنظري المنطق بأم عينه الفريق من بعد الهدفين + الطرد أفقدني الأمل كثير وقلت الأمور كل مالها تصعب - وأكيد لسان حال البرشلونيه وقتها راحت عليك ي تشلسي ، بتلقمون تاريخيه خخخ لا ياحبيبي تشلسي م يخلص ولا يسلم لك المباراه على طول الهدف الي جبناه بالبريدج والإستبسال الدفاعي م يروح عبث ! ، هدف راميريز الخـــالع رجعلي بصيص من الأمل مع إن دفاعك كان يرقل ، وتوقيت الهدف برضو كان ممتاز على نهايه الشوط ،، كان مهم الفريق يحتاج للتوقف قليلاً وإعاده الأمور على ماهي عليه ، دخلنا بالشوط الثاني بنفس التفكير وبنفس الخطه ، دفاع مستميت واللعب على المرتدات أو أخطاء الخصم ، كان مهم تسجل هدف ثاني عشان تقتل فيه جموح البرشلونيه الي ماراح يوقف لين أخر دقيقه ، وهذا المتوقع والي شفناهه ، لين جا الوقت الإضافي وأستطاع تشلسي إطلاق رصاصه الرحمه من النينو توريس وأكد لهم إن التقدم الهجومي والإستحواذ مب كل شي ي برشلونه ! شعور لا يوصف وقت تسجيل الهدف ،، والي م يوصف من جد تسجيل توريس للهدف نفسهه ! دفاعنا بالشوط الثاني خصوصاً كانو رجال السبك بوسينجوا كان متميز بتشتيت الكوره وعدم دخول أي إختراق من العمق ،، وساعده بها الشي إيفانو الي م قصر وقام بالواجب وغطى وشال حمل تيري وكاهيل بها المنطقه دخول كالو كان دفاعي بكثر ماهو هجومي ،، وبرضو كان متميز مع راميريز الي أغلقو الجهه اليسرى تماماً على تيللو ، دروقبا هجومياً مستعد يحضن لك على لاعبين 3 ، يعني دفاعياً مابيعوق معه خخخ ، قام بالواجب مع إنه جاب العيد وتسبب ف بلنتي صحيح بس الحمد لله إنها ضاعت ،، وقتها قلت بس تشلسي بيفوز ، مثل ها الأهداف والفرص السهله لا ضاعت إعرف إنك بتنهزم وبتاكلها نتيجه لـ عدم إستغلالك لهذه الفرص الي تمر مرور الكرام أخبر بإستديو الذهاب برشلونيه تقول ( ي حلاته من فوز بعشره لاعبين وبهدف قاتل بأخر الدقايق ) ، والنينو وتيري قالولي تغن وقول ( ي حلاته من ردة ثار بأرضكم ي برشلونه وبهدف قاتل ) ،، السيناريو يعيد نفسه ،، أخذتو مقلب بفريقكم إنه الذي لا يقهر ، بس تشلسي مايعترف بها الأمور ،، المشكله يدرون إن تشلسي الوحيد الي قادر على إيقافهم والأرقام دليل على ذلك ومع ذلك يكابرون ، وإنه جحيم الكامب نو ، وشكلكم م عرفتوه ي تشلساويه خخخ م يحتاج ، الحين صرت أعرفه أكثر من أي وقت مضى ،، ومهما جحدتو ومهما بررتو ، يبقى تشلسي عقده لكم ، وهذا الي لا يمكن إنكارهه



أبو أديلا أقسم بالله يخلص الكلام قبل م أبتدي فيهه فريق لحاله عطه دفاع عليه الكلام وأبشر بحراسه تخليك ترفع راسك وتقولك عندنا بيتر تشيكك من أفضل الحراس حالياً تصاعد مستواه فجأه يخليك تقول ها الشي وأنت مغمض إستماته وصد لكور أهداف محققه تخليك تستحي ي المهاجم وتقول لعنبو الي م يسجل هدف ويريحك من الي تعانيه متى ماصار بأوج عطائه إعرف إنه من المستحيل إنك تسجل أيام 05 / 06 على وشكك العودهه ي الأخطبوط



الفـار لا خلا ولا عدم قدم مباراه كبيرهه وساهم بالحد من الخطوره الهجوميه لبرشلونه تخلى عن خانته الأساسيه وتشوفه نازل مع السناتر اكثر شي ، لإغلاق منطقه العمق إغلاق تــاام



مستحقهه ي ليدر مستحقه أتوقعها من أي لاعب ثاني بس منكك ي تيري بنفقده كثير بالفاينل تصرف ماكان له أي داعي ، وغير كذا الهجمه ميته بس وش نقول ، وقتها تحطمت أكثر شي بس يقولك ( رب ضاره - نافعهه ) ، والحمد لله إنتصرنا رغم الطرد والخروج الخارج عن الإراده لـ المدافع الأخر كاهيل



كان سيئ بالشوط الأول ، مهمته تعطيل الهجمه في حال إنكشف الملعب لـ برشلونه ، مضايقه الاعبين ومحاوله قطع الكورهه بدون تدخلات بايخه ، ومع ذلك بنفقده هو الثاني بالفاينل ،



قلتها ، وأرجع أقولها ، يرجع لـ مستواه وبتشوفون محوريه من طراز أخر لاعب سلس ، يقطع بدون تسبب لأخطاء ، بثر بثر لأبعد درجه ، راجع من إصابه ومجلس إيسيان ورميو بالدكه بس يصير رايق خلوه بالحاله وبيعفط لك الوسط كلهم ، تشافي ماكان له حس والفضل بعد الله يعود لها الأوبي أحبك ي أسود والله أحبكك



الناس تكبر ويتغير حلاها .. إلا انت غير الناس تكبر وتحلو

وش ها الزين ي لامبس وش ها الزين أيامه مع بواش كان يعك ويرفع ضغطك بس يلخمك ويسكتك لا أنهى لك فرصه بالباب وكان منقذنا وقتها بس مع ماتيو تغير كامل شامل لـ فرانكي أنضباط دفاعي بطل هدوء وسيطره للكوره بين رجلينه بوسط الملعب ،، تسليم وإستلام ومن ثم صناعه تغنيك عن عشرين ألف تمريره يتناولها لاعبين برشلونه .. مثل ها المباريات تحتاج للاعب بقيمه لامبارد بمثل ها المباريات م يهم إن ماكان ف مستواهه ، لأنه دايركت بيعطيك مستوى يخليك تمسك راسك وتقول ( من أين لك هذا ) خخخ ،، أحبك ي قوي ،،



يقولكم دروقبا خلاص ، طاح الحطب ، طلع الي براسه الخال رقصته وفرحته بمواجهه برشلونه ماكانت عبث خخخ ، كان قدها وقدود عابه كثير السرعه والإستعجال ب بناء المرتده ، توريس كان مطلب بها المساحات الي يخلفها برشلونه خلفه ، ومع ذلك كان يقطع الكوره ويصدم بها البرشلونيه لنص الملعب ويرجع خخخ ،، فيل فيل م تنلام ، قبل المباراه كنا نناظر لك صوره وأنت طايح ونقول ( قم ي دروقبا ، حلمك الي طال إنتظاره م بقى عليه إلا خطوتين ) ، والحين أقولك ( الهمه ي دروقبا ، حلمك مابقى عليه إلا 90 دقيقه فقط ، 90 دقيقه ي دروقبا ) ، نبيها لعيون الخال ، نبيه يرفع أم أذان مع تيري ولامبس وتشيك وأشلي ، جيل الصراحه يستحق رفع ها البطوله مع بعض



مابنكسر صاابر ، لو فرصتي تمضي ! ، والحظ لو ( عاثر ) - بصنع أنا حظي

أمداكم نسيتوه ي كتلان ؟ م اتوقع ،، ترى مب شرط إنه لا تغير التيشيرت إنه مب مسجل ؟ لا لا ، التخصص والعقده هيا هيا لو يلعب بدون فنيله خخخ ،، ألجم ي توريس ألجم إنفرادته لحالها رد ، أنا أول مره أشوف لاعب ينفرد من قبل النص خخخ ، أشلي شتتها وقاله روح ، تمخطر ي النينو وخذ وقتك ترى مب مستعجلين ع الهدف ، ماوراك أحد وقدامك أعتبر مافيه أحد ، لدرجه إنه بسط على خط السته وغير كم شغله من إستبنه / بنزين 91 / حبتين لوزين وميرندا فروله ورجع وكمل طريقه والي مصفين الطبلون وراه باقي م جابوهه ، أحس توريس خاف من الي قادمين من الخلف أكثر من مواجهه الحارس هدوئه بالتعامل مع المرتده نظرته عكفته نظرته مره ثانيه للباب خخ لمسه بكل م أوتي من روقان والكوره تتهادى للمرمى تحت أنظار 90 ألف متفرج ( على ما أعتقد ) وكأنه يقول الكامب نو تخصصي ، م نسيت الباب ولا نسيت متعه التسجيل أمام ها الفريق الهجمه من بدايه ركضته ومن وراه يتطاير المبلغ المدفوع فيه ، مليون يتبعه مليون ، لين تجمع الحاصل كله ف مرمى فالديز ، هدف عن خمسين مليون ي نينو عن خمسين ، أعتبرها تحللت ، وإن الحطب طاح

11 مباراه ضد برشلونه = 8 أهداف وميسيهم 8 مرات يقابلنا وعاجز عن تسجيل هدف تكفيني ذي ي النينو تكفيني



زفوهه بالحاله يستاهل أبو ماتيو النجوميه كلها بكبها بحضنك ي الإيطالي مدرب مغمور والمستقبل قدامه ، والله فتح له طريقه مع فريقه السابق تشلسي صنع لـ نفسه أرقام ، وربما إنجاز عما قريب من كان يدري إنه بيشيل الفريق الجريح وينتشله من موسم سيئ لـ موسم شبه رائع ، وعما قريب برضو بيكون ( بيرفكت ) لو كمل شغله مدرب ماعنده فلسفه ، حط كل لاعب بمكانه ولعب بإمكانياته المحدوده ، محترم الخصوم إحترام مبالغ فيه ف بعض المواجهات ، بس إحترامه لحكمه وهذا الي مخليه يقدم أشياء خورافيه معنا لحد الأن من مسك الفريق م خسر إلا مره وحده قدام الستي والباقي م بين إنتصارات وتعادل يعلم الله إننا م طلبناه إلا بإنهاء الموسم بدون كارثه جديده لا تحتمل ، بس ها الشي م بغاه ، دام عنده فريق قادر على عمل الفارق والعوده من بعيد بعيد إخراج نابولي من دور الـ 16 ، ومن ثم الطقطقه على بنفيكا ذهاباً وإياباً ، قلنا جزاك الله خير وماقصرت ، لهنا الأمور طيبه ، بس واصل وأشتغل وقرر إخراج الأفضل بها البطوله والي هو برشلونه ،، ولا قصر فيهم تعامل مع الأمور بمنتهى السهوله جالس تزرع فينا تفائل من مباراه لـ مباراه لين وصلتنا للحلم المنشود ، أصمل أصمل تكفى وجبها ولك من عندي أفضل مدرب مر على تشلسي بفتره لو يمسكه عشرين مدرب بنفس الوقت م يسوي الي سويته

فوزرا دي ماتيو فوزرا صلعهه فورزا إيتليانو



هاردلكم كتلان مشكلتكم إنصدمتو بفريق يقاتل من أجل الا مستحيل !! ، قالولي برشلونه ماعنده شي يخسره وبيحط كل مايملك بها البطوله ، وكأن تشلسي عنده أشياء تشغله من أجل الحلم المنشود



ياما حاولت الفراق ( وماقويت ) .. كنت أبي أنساهه لكن ( مانسيت )
إرضخي ي بنت الكلب ،، إرضخي بها المره بس ، وبعدها إحرمينا منك 20 سنه قدام

=

الحمد لله على كل شي ، الحمد لله على كل شي ، مبروك تشلساويه ، مبروك من القلب





"وقلت استغفروا ربكم انه كان غفارا"

استغفرالله العظيم واتوب اليه