إذا كان في شي بأقولة عن تكتيك مدرب تشيلسي
بالتأكيد هو دافع بالفريق بشكل كامل لكن ظل عنده أمل يسوي الي سواه مدريد بداية الاسبوع
تبديل دروغبا بتوريس كان تبديل ذكي خاصة ان دفاع برشلونة في الدقايق الاخيره خربها وتقدم بشكل متهور وصار الي كان يخافون منه
وعلى فكرة جوارديولا يعتبر من اسباب خسارة برشلونة لأنه أصر على اللعب بثلاث مدافعين
أعتقد انه واضح ان التكتيك هذا مايعرفله دفاع برشلونة والدليل شوفوا بعض الكور الي كانت سهلة لدفاع برشلونة نشوف الدفاع فيها يتصاقعون مع بعض وما يتفاهمون مع بعض في التغطيات وكانت النتيجة هدف راميريز الرايق
جوارديولا استهنت بمدريد ولعبت بثلاث مدافعين وخسرت
وأصريت على خطأك ولعبت بنفس التشكيلة وهالمره تفلفست وحطيت أفضل لاعب عندك دانيل الفيز احتياط وغيبت بيكي فترة ورجعته في أهم مباراة في الموسم
على العموم برشلونة حاول التسجيل بكل الطرق لكن دفاع تشيلسي كان بالمرصاد
ميسي غايب عن مستواه المعروف والبلنتي الي ضيعه بيزيد الطين بله وبيسبب احباط للاعب
تشيلسي يعاني من غيابات مؤثرة في الدفاع والمباراة النهائية فرصة تاريخية لتحقيق اللقب الي غايب عن خزينته
في النهاية احنا على موعد مع نهائي الفرق الثلاثه الي بقت مشتاقة له
ومدريد يعتبر فريق متمرس على البطولة هذي واتوقع يحققها لو تجاوز ميونخ