عقليات شريحة واسعة من جماهير الهلال ( بتودي الفريق في داهية ) لهذا أطالب الادارة ( بتصريف حمقى المشجعين ) أما ما يتعلق بالحضور فأنا لا أثق بجمهور الرياض جمهور لايعي نعمة لعب الفريق أغلب مبارياته عندهم يعني مثلاً نحن جمهور بريدة والقصيم عموماً ننتظر حضور الهلال من مباراة التعاون اللي كانت ببريدة في بداية الدوري الى مباراة الرائد اللي لعبت قبل شهر ونص تقريباً لهذا أوجه الدعوة للجماهير الموجودة في المناطق الأخرى بالحضور ومساندة الزعيم أما بخصوص جمهور الرياض يكفينا 10 مشجعين مخلصين للفريق والباقين يجلسون ببيوتهم ويشغلون المكيف ويشوفون اعادة مباراة ريال مدريد مع برشلونة ازين لهم ولنا في نفس الوقت
أما بخصوص ما ذكر أخي كاتب المقال عن الكابتن محمد نامي فكلامه صحيح لو رجعنا بالذاكرة الى الموسم الماضي كان الجمهور يطالب بابعاده لكن ثقته بنفسه واصراره وثقة الادارة به جعلته يبدع هذا الموسم وكذلك الكابتن المبدع ( أنا أنظر لسجله الحافل وياما أسعدنا من قبل ) عبد اللطيف الغنام كان الجمهور يشتمه شتماً جارحاً لو لاعب غيره كان اعتزل لكن كلنا شاهدناه في مباراة الاتحاد أبدع وأمتع وخلص كور من لاعبين الاتحاد وصنع كور للهجوم وكان ما شاء الله عليه شعلة من النشاط وكذلك الزوري ويشكرون بقية اللاعبين على مجهوداتهم
وفي الختام تحياتي للجميع وتقبلوا مروري وتحية خاصة لأخي كاتب المقال وشكراً.