.





البايرن
أجمل ماأعجبني في أحداث الكلاسيكو إن مورينهو رفض يعطيهم إجازة
ورجعوا للتمارين يوم الأحد
منها إستعداد للقاء الألمان
ومنها يخاف إن اللاعبين بعد الفوز على البرشا في ملعبه وحسم الليغا بنسبة كبيرة
ممكن إنهم يكتفون بهالإنجاز ويقفلون على الموسم

فـ مورينهو حبَ إنه يستغل ثورة اللاعبين
ويبغى يحسسهم إن اللي عملتوه واجب عليكم
(( يبغى يرفع من سقف الطموح عن الفريق ))
وفعلا شفنا ردة فعل اللاعبين ماهي مبالغ مرة فيها
اكثرهم إتفق إن الفوز شيء مميز .. لكن الليغا باقي ماحسمت
من هنا نتطمن إن الفريق :
باقي في قمة تركيزه وناوي يروح بعيد إن شاء الله هالموسم





نرجع للمباراة :





كاكا أساسي

أكثر من سبب يعطي الأفضلية لمشاركة البرازيلي
- إرهاق دي ماريا وعدم جاهزيته 100 %
- منهجية اللعب اللي بيلعب فيها الريال
لمَا تقابل فريق يفصله عن التأهل تعادل أو فوز
وبيلعب النهائي على أرضه .. فـ لاتتوقع إنه بيفتح معاك اللعب وبيهاجم
البايرن بيصك دفاع وبيلعب على المرتدات
وبيستغل سرعة روبن وريبري

طيب كيف تلعب مع البايرن ؟
لازم الفريق يلعب على الكورات البينية القصيرة
واللي تكون بين : أوزيل - كاكا - رونالدو - بنزيما
منها تقدر توصل لمرمى نوير بسهولة
وفرصة كبيرة إن البايرن يرتكب أخطاء على حدود الـ18

البايرن عنده نقطة ضعف جديدة لازم نستغلها :
البايرن عنده 7 لاعبين مهددين بالغياب عن النهائي
يعني بيلعبون تحت ضغط نفسي رهيب
التفكير بين حلم النهائي على ملعبهم .. وبين هاجس الغياب عن النهائي
هذي النقطة بتخلي البايرن يخفف من حدة الإلتحامات الجسدية

أما بالنسبة للتشكيلة :

كاسياس

مارسيلو .... راموس .... بيبي .... آربيلوا

الونسو .... خضيرة

رونالدو .... أوزيل .... كاكا

بنزيما

( مارسيلو + آربيلوا ) ياليت مورينهو يخليهم متحفظين دفاعيا ولايبالغون بالهجوم
لأن هدا بيريح المحاور من تغطية مساحاتهم وقت المرتدة
وبيفرغ خضيرة للضغط على حامل الكورة من ملعبهم
ومحاولة قتل الهجمة عندهم

هذي المنهجية شفناها في مباراة فالنسيا
الريال كان عنده حس عالي في الضغط والهجوم المتنوع
ماسك الكورة يهاجم من كل إتجاه
كل هذا لأننا سيطرنا على الكورة لمَا محاورنا تضغط على المنافس في ملعبه


وبالنسبة للشق الهجومي :
رونالدو يعيش أيام ذهبية .. وهو أسعد واحد في مدريد كلها
تخلص من عقدة ميسي ... تخلص من عقدة التسجيل في الفرق الصغيرة فقط
تخلص من أهم عقدة وهي الغياب في المباريات الكبيرة
قدر إنه يسجل هدف الفوز في الكلاسيكو ويحقق الليغا في ملعبهم
يعني توقع منه كل شيء هالمباراة

الخوف بس إن أوزيل مايلعب
الولد مرهق من الكلاسيكو قام بمجهود خورافي

بنزيما وضعه الصحي مطمئن وإن شاء الله يكون أساسي
محتاجينه أكثر من هجواين
الفريق لازم يهاجم كـ كتلة واحدة
هجواين لو لعب بيختفي بين قلوب الدفاع

كاكا لو كان أساسي .. بيعتبرها فرصة ذهبية لإثبات الذات
غير إن المباراة أساساً تخدمه منهجيتها
ويمكن كمان يلعب حتى يضمنوا تسويقه في الصيف بعد أخبار لوكاس مورا المهبول


عموما ننتظر لمسة مورينهو النفسية قبل الفنية في هالمباراة
لازم يستغل هيجان البرنابيو و ثورة اللاعبين
لازم يقلب الملعب محرقة .. خلاص بينك وبين النهائي 90 دقيقة
هدف يضمن لك الحجز .. هدفين يأكده .. أكثر من كذا تعال خذ البوردنق
فيه كلمة حلوة قالها شايبنا ستيفانو اليوم :
قال : ( على مورينهو أن ينتظر ماذا سيفعله البرنابيو الأربعاء )

كل التوفيق للملوك

راجعين ولايوقف ياابطال

ابوظافر