نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || .. Real Madrid Fans 2011-2012 .. || .. ♥ رابطة عشاق الملوك ♥ .. ||

البلانكو10 · #13526 22/04/2012, 02:42 AM

درس كروي لكل المغفلين ! .. درس كروي لكل المغرورين الواثقين ! ..

درس كروي ! .. لكل من قال ان الثلاث نقاط في النوكامب محسومه ! .. درس لكل من اعتقد ان برشلونه فريق منزل من السماء ولا يخسر !

درس لكل من نسى ! .. ان الكره تعطي الي يعطيها ! .. وان الحسم في المستطيل الاخضر ! .. والحكم ؟! يكون بعد ال 90 دقيقه ! ..

درس جميل اعطاه مدريد لكل متابعين الكره ان لا مستحيل في كره القدم ! .. وان العمل الجاد والاصرار هو اهم شيء لابد ان تقدمه في الملعب ! ..

فريقك الاسطوري , جمهورك الصعب , جحيم ملعبك , خرافيه تجانسك , عبقريه ميسي ! ..
تساوي لا شيء وماتشفعلك اذا ماقدمت مجهود عشان تستحق الفوز ! ..

فوز بطعم الدرس الكبير لنا ولهم ! .. فوز بطعم بطوله ! .. فوز يخلي +7 احلى بكثير من +10 ! ..

مبروك الفوز لكل المدريدين ابدأ بها ! ..

مباره كبيره قدمها ابناء مورينيو ! .. جميع الاخطاء السابقه الي كانت سبب خسارتنا في الكلاسيكو تم علاجها ! ..

توتر ؟! كنا الفريق الهادىء
اضاعه الفرص ؟! استغلنا اهم فرصتين في الموسم
الثقه بالنفس ؟ كنا واثقين ولعبنا متش بكل اريحيه

والمحصله ؟! علاج اخطاء نتج عنها اهم ثلاث نقاط بالموسم ! ..

فريقنا وهو هادىء يفوز ! .. مورينيو وهو هادىء ؟! نكون افضل

مدريد وهو متوتر ؟! خسر بالبرنابيو ! .. وهو هادىء ؟! فاز بالنوكامب ! ..

ومورينيو كان عارف الشيء ذا ! .. واجزم ان سبب عدم ظهور مورينيو للاعلام بالليغا بسبب ان ظهوره كان يأثر بالسلب ع الفريق ! ..
ابتعد عشان الفريق كان يحتاج التركيز .. وفي الاخير حصل ع اعلى مرحله من التركيز وحقق الفوز في الملعب الي لو يفز فيه قبل كذا ! ..

عالج الفريق نفسيا < وهو اكبر مشاكله ..

وابدع بالتكتيك وحصل ع الفوز ! ..

المباره كانت فيها كفتنا هي الارجح ! .. لان الفريق دخل بدون اي ضغوط نفسيه او قل ثقه ! .. واجهه البرسا بأمكانياته وفاز ! ..

تكتيكيا ! .. الفريق قدم متش كبير جدا ! ..

الضغط العالي يبدأ ع اول خط من خطوط برشلونه ! .. الفريق كان مركز جدا وقدر يقطع كور كثيره في المنتصف ! .. وقدرنا نقفل ونعمل خط عازل ! ..
والاهم ؟! اننا هاجمنا واجبرناهم ع التراجع وعدم اللعب بأريحيه في الامام ! ..

ميسي ؟! قدرنا نقفل عليه بالعقل ! .. < عكس ماكان اول يوم يدخل عليه 70 واحد وبطريقه همجيه

! ..
قطعنا عنه الكور بسبب التقفيل المميز ( والي فاجئني فيه فريقنا اليوم ) ..
برشلونه اذا واجهه فريق يقفل صح فيبحث عن الحلول اما باللعب العرضي وذا الشيء مايفيده غالبا او يبحث عن ميسي ! ..
فكور ميسي كلها اما تجيه الكور بينيه وسط ثلاث لاعبين ع الاقل ! .. او يخرج برا ويستلم الكره ويواجه دفاع مدريد بالكامل ! ..

فكنا اما نقطع الكور منه ! .. او نسبب فاولات بعيده عن المنطقه ! ..
كان عقيم لان مدريد اجبره ع الشيء ذا بالهدوء والتركيز ! ..

الشيء الجميل في دفاع مدريد انه البرسا ماقدر يوصل الا في كم كوره ! ..
وحتى لو وصل ؟! كان يواجه كاسياس المبدع ! ..< وانا عندي نظره مقتنع فيه مدريد اذا كتب له الفوز ع البرسا فأعلم ان كاسياس كان نجم من نجومك ! ..

قدرنا نقفل على مفاتيح لعبهم ! ..
الفيس ؟ بسبب هجوم فريقنا
تشافي وانيستا ؟! بالضغط العالي والتركيز في قطع الكور ! ..
ميسي ؟! اجبرناه ع التراجع واستلام الكور بسبب جدار دفاعي منظم ! ..

ويوم تقفل ع اهم 4 مفاتيح بالبرسا ! .. تشوف لعب عرضي ولعب عقيم وكله اكس اكس اكس اكس

! ..

طبعا والي سلم المتش اكثر ! .. البطل بيب

! ..
يوم اخرج تشافي وادخل سانشيز ! .. وسلملنا الوسط وولو نشوف احصائيه استحواذ البرسا ع الكره قبل خروج تشافي وبعده بنحصل ان مدريد قدر يمسك كره اكثر بكثير ! ..
يارجل غرانيرو ؟! احتفظ بالكره وقعد يدور ساعه هههههه

! ..

طبعا بيجيك واحد بيقول سانشيز دخوله كان مميز وسجل هدف ! .. اقوله ايه نعم لانه كان موفق بالتسجيل وليس بالتكتيك ! ..
قبل خروج تشافي ؟ كان فريقنا منغلق في ملعبه اكثر ! .. بعده ؟! فريقنا صار يخرج اكثر ويمسك كوره اكثر ! ..

فقدمنا درس تكتيكي كبير ! .. هاجمنا ولعبنا ع المرتد وسجلنا ! .. وحققنا الفوز ! ..

همسات

:

رونالدو ؟!

الهدف الثاني ! .. ذكرني بصاحب الرقم 7 راؤول ! ..
الكل اخرس النوكامب ! .. لكن الكل بطريقه الخاصه ! ..

رونالدو اليوم ؟! هو رونالدو الي نبيه ! .. الحاسم قبل مايكون النجم ! ..
واليوم ؟! رد ع الجميع وحقق لنا اغلى ثلاث نقاط ! ..

اوزيل ؟!

تقلب المستوى مشكله ! .. لكن لو قدر يوصل لرتم مستمر من المستوى العالي بيكون في قادم السنين افضل لاعب وسط في العالم ! ..
وللمعلوميه قدم شغل تكتيكي مهم اليوم وقدر يقفل مساحات ويضم مع الونسو وخضيره ! .. هذا غير انه كان خرافي ومميز في الامام ماشاءالله عليه

بيبي وراموس ؟!
هدوء غريب منهم بسبب التركيز العالي ! .. والنتيجه ؟! دفاع صلب وحديدي ماقدر برشلونه ولا ميسي ع فكه الا بتربكه بسيطه ! ..
وهذا الي نتكلم عنه دائما ! .. امكانياتهم بطله وكبيره لكن مطافيق ! .. ويوم يكونوا هادئين ييصيروا مثل اليوم ! ..

اربيلوا ؟!
افهم جيدا تفكير بيب بدخول تيلو السريع في جهه اربيلوا ! .. وهو الاستفاده من بطىء اربيلوا واللعب ع ظهره وسرعه الاعب الكتلوني ! ..
لكن اربيلوا لاعب خبيث وخبرته كبيره ! .. قدر يقفل عليه ! ..
مانكر ان الاعب ذا اشوف له مستقبل كبير وبيصير افضل من بيدرو وكان خطير ! .. لكن اربيلوا الخبيث قدر يوقفه بالخبره ! ..
مره يمسك فلينته عشان يقلل سرعته

! .. ومره يسبقه بخطوه ويحط جسمه

! .. شيء كبير الاسباني بصراحه ! ..

كوانتراو ؟!
لو مسكناها بالتقفيل وقطع الكور ؟! بنقول بطل ! .. لكن لو خذيناها من اول مايقطعها وتكون الكره تحت رجله ؟! يكون مصيبه ويجيب العيد ! ..
مايفرق عند البرسا يوم تقطع الكور منهم مدام انك بترجعها لهم سريعا ! .. تصرفه بالكره كان عقيم جدا رغم ان افتكاكه كان جيد ! ..
جلطني في اكثر من كره ماقدر يخلصها صح او يطلعها صح ! ..
بوجهه نظري رغم انه قفل صح لكن يبقى اسوء الاعبين في الفريق كون الكره الي تكون برجله ترجع دايركت للبرسا !

دي ماريا ؟!
جلطني اليوم في كم كوره مرتده ! .. لكن الشغل التكتيكي الكبير والضغط العالي الي سببه وتقفيله ع انيستا يشفعله ! ..
مجهود كبير قدمه الارجنتيني بصراحه ويشكر عليه ! ..

بنزيما ؟!
كفايه انه اكثر الاعبين مع اوزيل يوم تكون الكره برجله ماتنقطع منه بسهوله ! ..

البديلين غرانيرو وكاليخون وهيغواين ؟
ابدأ بالثاني والثالث وكان دخولهم عادي ومجرد تغطيه وتبديل لاعبين مرهقين ! .. امام الاول ؟! بصراحه كل ماله القرصان يقنعني اكثر

!
ياجماعه الاعب ثاني مره يدخل بالنوكامب يقدم شغل كبير ! .. الاعب اجتهد واخذ ثقه مورينيو ! .. وقاعد يقدم شغل كبير من متشات البرسا وحتى في متش اوساسونا ! ..
الفكره الي تقول انه يدور كثير هههههه ويفقع القلب ولاعب مايفيد

! .. المفروض اليوم تنمحي تماما لان الولد قاعد يقدم شيء كبير ! ..
دخل اليوم والفريق صار يحتفظ كثيرا بالكره والكره تطلع بسهوله وصح منه ! .. بصراحه انا قناعتي فيه زادت من اياب الكأس .. ومن اليوم صرت اثق فيه كلاعب يعتمد عليه ! ..

احس اني كتبت كثير ! .. لكن الفرحه كبيره والله ! ..

ومبروك مره ثانيه وثالثه ورابعه ! .. وعقبال يارب الاحتفال بالدوري والابطال ياكريم

..

Hala madrid