صباح الخير
ديربي لندن ! تمنيت يكون بين هالطرفين ارسنال وتشلسي بدون اي التزام اهم
اللي اقصده طبعا التزام تشلسي بمرحلة مهمة بدوري الابطال
واعتقد هالشي بيقلل من متعة مباراة اليوم للاسف ، تشلسي بمهمة صعبة جججدا عكس الارسنال
التعادل اشوف انه بمثابة الخسارة للبلوز ..
اكبر معضله لـ دي ماتيو هي الجمع م بين مباراة اليوم ومباراة التشامب ومسألة اختيار
العناصر المناسبه لكل مباراة بالتوافق مع محاولة تقسيم المجهود بين اهم مباريتين للبلوز بوجهة نظري
طبعا دي ماتيو مسوي شغله ممتازه جدا من مسك منصب التدريب ..
اللي هي محاولة ادراج
الاسماء اللي كانت حبيسة الدكة على عهد بواس بالتشكيل الاساسي
مع الايطالي صرنا نشوف لامبارد وكالو وتوريس واوبي ميكيل بشكل اكبر
هالشي ساعد بقوة على توفير دكة بدلاء م اقول عشره على عشره لكن كأقل تقدير
بأن البلوز لما يبدون المباراه تشوف اسماء ع الدكة تستحق تكون اساسيه
فـ اذا البلوز عدا هالاسبوع على افضل ما يكون فـ اعتقد بأن هالشغله اللي سواها دي ما تيو
لها دور كبير ..
اليوم ممكن نشوف ميكيل / دروجبا / ايفانوفيتش / لامبارد / ميرليس بالدكه ..
ويدخل بـ ستوريدج / توريس / كالو بالهجوم ، والوسط ماتا ومن وراه ايسيان ورامي
كـ تشكيله هجوميه اكثر وهذا اللي اشوفه مطلوب من دي ما تيو بما ان التعادل م يكفيه
ومنها برضو يوفر مخزون كبير لمباراة البرشا خصوصا الاسماء الدفاعيه واهمها اللي ذكرتها تكون بالدكه
عموما وان كان اختلاف وجهة نظري او توقعي كبير عن اللي راح يسويه المدرب
فأنا ابقى اشوف انه شي مناسب ..
اما بخصوص الارسنال ..
اوضاعهم افضل بكثير من تشلسي لا من الناحية البدنية او وضعهم في جدول الترتيب
وكل التركيز على مباراة اليوم ولا غيرها ..
ممكن اذا فيه مشكله لهم فهي غياب ارتيتا اللي اشوفه مسوي شغل كبير ومعطي ثقل لوسط الارسنال
وبرضو تتوافق مع تذبذب مستوى سونغ اللي اشوفه نازل بالفترة الاخيرة
هالشي ممكن يسبب لارسنال مشاكل بالوسط تخدم تشلسي
لكن ان صحصح سونغ ض1 مع روزيسكي ! بتنحل مشكلتهم
بالتوفيق للبلوز بعد م ضمنا بنسبة كبيرة وجود الارسنال الموسم الجاي بالابطال
ودي تكتمل ويكشخ البلوز بالرابع نهاية الموسم ، ترا هيبة الانجليز بدت تزحلط باوروبا : (
عوافي رابطة الارسنال م قصرتوا ض1
