إقتباس الرسالة الأصلية كتبت بواسطة xXx MaGiC xXx ردك جدا غريب وغير منطقي ابدا ما اعرف كيف كتبته ما رح اركز على كل النقاط الي ذكرتها لكن في نقطة انت ذكرتها والي هيا يا اعزائي حضور الجماهير لا يأتي بالبطولات ..!! البطولات تأتي بتعب الفريق و اللاعبين في الملعب .. و لو هي على الجمهور كان الاهلي فاز بالدوري من 28 سنة و لا النصر نافس على بطولة من 15 سنة و لا ما كان الشباب فايز بالدوري السنة هاذي و لا ما كان السد فاز بابطال اسيا السنة الماضية .. اخي الكريم بخصوص هالنقطة سمعت عن شيء اسمه عامل نفسي ؟؟؟ سمعت عن شيء اسمه عامل الاحراج ؟ كلامك الي كتبته انت فوق وكأنك جالس تقولنا مو لازم نحضر الملعب !!!! بدل ما تشجع الاعضاء والجماهير اسلوبك بهالجمله يدل انه مو لازم نحضر عادي ما فرقت والسبب الاهلي لم يحقق بطولة يعني شيء غريب هالكلام في شيء اسمه عامل نفسي للفريق انا معاك الفريق الي يكرف رح يحقق نتيجه لكن الجمهور يعطيك حلاوة للمبارة ومتعه خاصه من التشجيع والوان الفريقين ثاني شيء اللاعب تجيه روح معنوية لمن يشوف اكثر من الف الفين ثلاثه عشر الالف خمسين الف جايين عشانه يشجعو فريقهم تعطي اللاعب روح معنوية انه يبدع اكثر بغض النظر طبعا مو شرط ممكن ينهزم الفريق ويكون الملعب فلل لكن اللاعب يكون حاول واعطى الي يقدر عليه والمنافس كان افضل او استغل اخطاء يعني المقصد غريب منك بتقول جمهور الاهلي حضرو الملعب بالنهايه ما اخذو الدوري هذا مو منطق اخي وتقولون يا شباب نبي احترااااااااااااااااااف الله يرحم الحال اذا هذا تفكير بعض اعضائنا للأسف ياخي روح تعرف معنى الاحتراف او تؤمن بأنه لا بد من احتراف اللاعبين ؟ لو كانت اجابتك نعم لا بد من الاحتراف فعليك الاحتراف بي طريقة تفكيرك قبل الرد بي المواضيع مع احترامي لك طبعا طريقة تفكيرك يعني كل واحد يحط رجل على رجل ومن ورا الشاشه يتابع المبارة !!! اي احتراف وتفكير احترافي الي عليه اخي مو شرط وجود الجماهير يعني لا بد من البطولة روح شوف الدوري الانجليزي الاسباني الايطالي فرق بالدرجة الممتازه ترتيبها مثلا 10 و 11 و 15 طبعا هذي فرق مستحيل اصلا ترشحها للدوري يعني مثل خيخون او اوساسونا الاسباني او ريال بيتس هذي فرق كل موسم موجوده بالدرجة الممتازة لكن مستحيل يحققو الدوري لو ايش يصير لكن انظر لجمهورهم الوفيه تلاقي الملعب مافي كرسي واحد تجلس او تفكر تحجزه وتلاقيه محجوز من قبل لا تبدأ المبارة بي شهر وكل الاماكن محجوزة ليه ما قالو ايش الفايده ما رح نحقق الدوري ؟؟؟؟ اخي كرة القدم ليس بي منطقك ابدا عليك الاحتراف الفكري بالتوفيق

يا الغالي نترك نقطة ردي منطقي او غير منطقي على جنب .. انت تحضر للملعب و تترك كل مشاغل حياتك و دراستك و تعطلها و تروح للملعب اكيد تحب الفريق و تعشقه فوق كل شيء و تبيه يفوز لو يعلب سيء من اليوم إلى بكره لكن انت جاي تدور كرة قدم جميلة تدور شيء يستاهل انك تركت مشاغل دنياك و جيته " ما نختلف ان شوفة الفانيلة الزرقاء احلى متعة في العالم اقله عندي " لكن انت تدور كرة قدم جميلة و ممتعة في الملعب . جماهير الدوري الانجليزي من الاول إلى الاخير يرورحون الملعب لانه يبي يشوف كرة قدم جميلة و ممتعة و تسوى الفلوس اللي يدفعها خل الوفاء على جنب لكن في الدوري السعودي غير حضور مبارايات الهلال " بحكم اننا هلاليين " بتحضر مباراة في الدوري السعودي لو هي ببلاش ؟؟

فسالفة الجمهور و دوره النفسي صحيح موجودة في كرة القدم لكن ما تقارنها بما هو اهم اللي هو لعب الفريق في الملعب و مستواه الفني . لانه الجمهور راح يفوزك مباراة نقول ثنتين قل عشر لكن ما راح يفوز ببطولة . الجمهور ما راح يكون موجود لا لعبت برا ارضك ما راح يكون موجود الا توفيق الله و من ثم مجهود الفريق و تعبه في الملعب و هذا هو الاهم . و عن الامثلة اللي ضربتها في خيخون و اوساسونا تابع مباراياتهم مع فرق غير ريال مدريد و برشلونة و فالنسيا شف كيف المدرجات فاضية لان الفريق ما يقدم كرة قدم جميلة فوش الهدف من الحضور ..!! نفس الكلام مع الفرق الثانية غير الكبيرة .

فالجمهور بيحضر متى ما حضرت المستويات الرائعة و الاداء الجميل و الكرة الممتعة . فاتركوا الجمهور و التفكير فيه و ركزوا على كرة القدم في الملعب . و كونوا احترافيين في الملعب لانها لو على الجمهور كان شفت تركيا كل سنة مأخذين دوري الابطال كل سنة و صربيا ابطال العالم .