بسم الله الرحمن الرحيم
السلام عليكم ورحمة الله وبركاته ,,

انا لي تقريبا ما كتبت موضوع اكثر من السنتين ونصف لان ما في فكرة عندي تقدم ولا تأخر والادارة الهلاليه الى نهايه الموسم الماضي تقريبا مقدمه شغل جبار بس الحين بكل اسف من جرف لدحديرة وهذا اللي خلاني اكتب موضوعي .

انا لن انسى بعض التعاقدات اللي بمعنى الكلمه فاشله للهلال واثرت فينا بشكل كبير جدا ها الموسم اول جلب مهاجمين امثال الجمعان والجيزاني وكانت جد صفقات فاشله اجل الغامدي يتبدل بالجيزاني وشوفوا كيف الغامدي مع الشباب المشكله ما كان عندك الا رادوي وعزيز كان في تنازل في المستوى ويكملونها بالاحتفاظ على الغنام والاستغناء عن البرقان ,, صحيح ان البرقان مو ممتاز بس والله افضل من الغنام .

انا ما احب البكاء على الاطلال وتذكر الماضي الجميل قريب كان ام بعيد أو تذكر السلبيات الكثيرة اللي الحين قاعدين نحصد حصادها مع اني ذكرت البعض منها بس والله من الحره اللي بداخلي .

موضوعي اليوم واللي لاول مرة احس انه الهلال يفترض منه توحيد تركيزه خصوصا في ظل المستويات اللي نشوفها و التركيز يكون بشكل كامل في الاسيويه لتكون النتائج التاهل من دور المجموعات وكذلك دور ال 16 وهذا لا يعني اهمال كأس الملك نعطيه حقه بس ما يكون التركيز فيه كالاسيويه صحيح البعض يقول نتخلى عن كأس الملك بس كأس الملك بالنسبه لنا ليس كالاسيويه والواقع يقول الهلال الان لا يستطيع ينافس فيهم بشكل قوي كالسابق وليس معنى ذلك ان الهلال ما يستطيع ان يحقق كاس الملك والتاهل في اسيا ,, وبالنسبه لو الهلال ما أخذ الاسيويه وهذا وارد جدأ و راح يكون هناك نص مقعد هذا اذا اعتبرنا ان الكاس لم يكن من نصيب الاهلي او الشباب او الهلال وفي كل الاحوال هي مبارة واحد ان لم يفز بها الهلال فهو يستحق البقاء خارج البطولة .

خلاصة الموضوع عدم البكاء على الاطلال وتذكر الماضي او حتى تذكر السلبيات اللي صارت ونعمل بالواقع والاهم بالنسبه لنا ككيان هلالي واحد.

هل من مستمع او مجيب !!