^
فاهم الرد الأول غلط !
لاهنت محسن ،، لو أدري كان مسكت الوضع معك وطلعنا بتقديم أحسن من ذا بكثير ، تعرفني أشتغل عن عشرهه خخ ، خصوصاً إني متفرغ نوعاً ما ولا عندي تقاديم متقيد فيها الفترهه ذي ، لكن م عليهه ،، الجايات كثير إن شاء الله ، ولي باكك بحول الله بعد الفجر ..
باكك
ديربي الميرسيسايد يطل علينا للمرهه الثالثه هذا الموسم ،، المرتين السابقه كانت لليفربول .. يمكن يهتركها اليوم بفوزهه ف ويمبلي ،، ويمكن ظروفهه م تسمح لهه وتكون لإيفرتون كلمهه ،، مسألهه الحراسهه لليفر أشوفها أكبر مشكلهه بعد الإحتفال الي شفناهه من الحارس البديل قدام بلاكبيرن ، إيفرتون متحسن ومنظم ويلعب بتكتيك عالي ،، أشوفهه يتفوق على ليفربول نسبياً ، إراحه كيني لـ جيرارد  والضرس تحسب لهه ، بيعطونك أداء ومستوى طول الـ 90 دقيقهه ، وي ليت يشيل خيار كارول ولا يشركهه مع الضرس ويخليه ورقهه ع البنش ، بيلامي جيرارد والضرس ثلاثي لازم تشركهم من أول اللقاء كانك تبحث عن نتيجهه من أول المباراهه ، أتوقعها تنتهي تعادل وتحسم بركلات الحظ أو إن إيفرتون بيستغل ظروف ليفربول السيئهه ويلقط الفوز ،، مم بالنسبه لي ك تشلساوي وإن إحتمال أحد الطرفين نقابلهم ف الفاينل لا تأهلنا إن شاء الله ودي إيفرتون كطرف سهل نوعاً ما وإن تاريخنا معهم ف النهائيات مبتسم لنا ،، وودي ك إثارهه وثأر إننا م فزنا على ليفربول ولا مرهه ها الموسم وحلاتها لا قالو منو طرفكك بالنهائي والي فزتو عليه وأخذت البطولهه تقولهم ( ليفربول ) ..
نجي لـ مطشنا مع الديوكك ،، تشلسي مع دي ماتيو ف تطور ملحوظ ،، م خسرنا معهه إلا مرهه قدام الستي من أستلم زمام الأمور ،، مواجهاتنا مع توتنهام ها الموسم كلها إنتهت تعادل ،، وكل المبارتين الفريقين كانو متعادلين ف المستوى ،، وجا ها الديربي فاصل بينهم عشان نعرف الأفضليه لمين ها الموسم ،، تحديداً بها البطولهه بعد متعادلين بالفوز لكل واحد منهم 4 إنتصارات ،، والي بيفوز بعد بها المباراهه بتكون لهه كلمه ع الثاني ،، يعني مباراهه بتكون قويه ومثيرهه من كل الجهات ،، صح توتنهام متذبذب من دخل براس مدربهم فكرهه تدريب المنتخب بس بها الظروف وديربي يطلع المستوى ويتفلتون خصوصاً لا صار فيها تتويج بطولهه ، الخوف كلهه من أطرافهم كون أظهرتنا حواق ، أشلي راجع من إصابه وإيفانو نكبنا بعد ضربه للاعب ويقان ،، والوكاد بيكون بديله فيريرا ،، بس إن شاء الله نكون قادرين على لقط الفوز بما إنها بطولتنا المحببه وإنها أملنا الوحيد بها الموسم المخيس ، توريس متحمس إنه بيلعب ف ويمبلي ومتحمس لسالفه التتويح وإن شاء الله تكون لهه كلمهه ، الجميع مريح بعد إرهاق مبارتين بظرف 3 أيام ،، وإن شاء الله يكون الجميع بكامل تركيزهم وعطائهم للفوز ،، متى م لعب تشلسي بجديه وأنهى فرصه بدون فلسفه ف ماعلينا خوف إن شاء الله ،، كل التوفيق للأسود ف نيل بطاقه الفاينل قدام توتنهام .
هل بتتكرر ؟؟
بدايه موسم + سكولاري = مستوى سيئ ( إنكرش ) وجا بديله هيدنك + نهايه موسم = تتويج بطوله ( الكاس )
بدايه موسم + بوااش = موسم سيئ ( إنكرش ) وجا بديله دي ماتيو + نهايه موسم = ؟؟؟
الله يتمم على خير ولاهنت محسن على التقديم
"وقلت استغفروا ربكم انه كان غفارا"
استغفرالله العظيم واتوب اليه
اخر تعديل كان بواسطة » kun khalid في يوم » 14/04/2012 عند الساعة » 05:10 AM | 