بسم الله الرحمن الرحيم
ماني قايل هاردلك لاني طفشت من هالكلمه بقول الله يصلح الحال من التخبط الي صاير
نعم تخبط من مدرب سيء الى هو دول الى هسيك الي يرفع الضغط والسكر
ولاكن ليس المدرب وحده هو السبب بل هناك تراكمات من منتصف الموسم الي
فات بدايه من قرتس الي تركنا وهرب الى كالديرون الي خربها في الاخير
الى لعيبه شايفين نفسهم على النادي ويفكرون في الماده فقط دون ان يعطو ما يوازي
عقودهم الي يطالبون فيها ومماطله في توقيع عقود جديده على حساب النادي يعني يا ادارة الهلال
هوساوي والفريدي ليش ماوقعو للحين نبي اجابه واضحه وشفافه نبي نفهم .الي شايفه
مافيه استقراروبعدين انا ملاحض فيه اختراع من المدرب في المراكز يعني هاسيك
قاعد يجرب في الظهير الايسر لين دوخنا معه ماندري من بيلعب المباراة الجايه
في خانة الظهير الايسر طيب شافي وش يسوي في الفريق ليش يخترع ابي افهم
عن نفسي انا ماني متفائل في الاسيويه والسبب الاصرار على المكابره من الادارة
في كل ماذكرت من تراكمات لاكن الله يستر من الي جاي انا من زمان ماكتبت موضوع
لأني تعبت قلت يمكن يتغير الوضع بس الجواب باين من عنوانه لاجديد يبقى الحال
على ماهو عليه لاكن حال الهلال اليوم زعلني كثير تخيلو الفريق اليوم يلعب بدون
محور متمكن وبدون روح من البعض وهوساوي معاد ينفع ولا حتى المرشدي الاول
يفكر متى يخلص الموسم ليهرب والثاني وقف الطموح عند افظل لاعب في كاس
الخليج ونجي للفريدي الي مصدق نفسه لاعب خرافي لايشق له غبار بختصار
شايف نفسه عل الكوره ليته يتعلم من عزوز الي من يوم اصيب والفريق منتكس
تدرون ليش لانه عنده روح لو وزعت على الفريق لكفتهم ولا يهون سالم
والعابد بس لازم نتخلص من اللعيبه الي شايفين نفسهم على الفريق ومن انصاف
المدربين المخترعين المفلسين ويكون كل شي زين على زين
بختصار
(العود من اول ركزه ياتركزه صح يايجي هواء يطيره)
(ونبطل مكابره والخلل واضح ياأداره)
ودمتم زعماء
