بسمه تعالى
نعم للنسيان حتى لو حققنا كاس الملك وتاهلنا لدور الـ16 ومنها للثمانية فاحب اقول للادارة اذا صار الي قلته فهذا هم لايغطي الفضائح هذا الموسم.
اربع سنوات عملت فيها ادارة شبيه الريح لم ينجح بالنسبة لي الا موسم واحد موسم 2009-2010 وهو موسم غريتس الاول ومن افضل المواسم على تاريخ الهلال غيرها من الموسم 2008 فااشل خروج من ام صلال وخسارة الدوري اما الاتحاد والخروج المذل من الشباب في كاس الملك والحسنة كاس ولي العهد.
الموسم الثاني ناجح بكل المقاييس والثالث نجح بلغة الارقام فقط وحصيلته الدوري الي طار وكاس ولي العهد كالعادة.
اما هذا الموسم اول غلط اختيار الاجانب بدون مدرب واختيار المدرب في النهاية والمفروض العكس.
اختيار الاجانب على طلب الجمهور مهاجمين اجانب ولاعب وصل طلبيته للمليون واسيوي هداف في كوريا ومدرب بالنسبة لي واعلم ان هذا يخالف الكثير من الاراء لكن لو جا من نهاية الموسم الماضي واختار الاجانب والمعسكر لنجح بنسبة 90% وكيف وهو جا ونجح بلغة الارقام.
راح الدوري للشباب وبتروح اسيا مع هالمستوى وكاس الملك بيروح كون الكثير راح يعوض فيه امثال الاتحاد والاتفاق والاهلي اذا ماخذ الدوري.
الاجانب لم ينجح الا هرماش اما لاعربي لاحظت من بعد عودته من منتخب بلاده وبعد ماقل اهتمام الاوربيين له ندم على ذهابه للهلال وتركه اوروبا وهو يبحث عن لقطات مهارية واهداف وهذا صعب بدون الروح اما الكوري والي عاجبني فيه اصراره على التسجيل والتمركز ولا يعاب عدم التركيز والفهاوة اما ايمانا راح وويلي صراحة جا بدون فايدة للهلال خصوصا والخمول عنده قووي.
اتمنى من ادارتنا الحالية عدم الترشح من جديد وهذا لايعني فشلها والله انها ناجحة وكلفت نفسها المئات الملايين ولكن لاسباب اقولها:
1-بنضغطون في تحقيق نجاح افضل من السابق وهذا صعب جدا.
2-اي خطأ مكرر سوف يحرجها وبقوة مع الجماهير.
3-الواضح ان كل شئ تم فعله ولا شئ جديد يملكونه.
الجديد هذا الموسم فقط الاستثمار واتوقع سيرشح من اجل ذلك((بناء متحف-بناء ملعب-شراء اجانب صغار بالسن))وهذا بجهة والفوز بالبطولات بجهة.
بالنسبة لي الحل بونان وسامي وصراحة سامي الجابر غلط لمن يصرح بمواضيع معقدة ونهاية ينحرج منها والله سامي مدير يحلمون فيه ولكن حاليا سامي يجعل الجمهور ياخذ عنه فكرة انه سبب في الخساير كونه موجود في كل مشكلة.
ملاحظة:شراحيلي بين لي انه فاشل كل الاهداف الي تجي عليه يناظرها ولا تمر بسهولة.
وجهة نظر لاغير مترقب ارائكم.
ارجو من ادارتنا العزيزة الرفع.
تحياتي
