إقتباس الرسالة الأصلية كتبت بواسطة الزعيم الازرق 1117 ياخي انا وش ذنبي 16 سنه ادرس والحمدلله حصلنا على البكالريوس واخر شي يقولون عندكم القياس لازم اختبار وماقلنا شي ونختبر القياس ونجيب فوق 80 ولاينزل لنا وظائف وانت تقول تعال نوظفك كاشير صحيح اللي اختشو ماتوا عندنا وظائف بس كلها بالادراج تتنظر الواسطه عشان تطلع

ياحبيبي الله يرضى عليك أقرا موضوعي زين .. ولا ابي كل واحد يجي يخش علي يقول اني اقصد ارضوا غصب بوظائف الكاشيرات ..

انا ذكرت هالوظيفة كـ قصة حصلت ... لا اني اطلب ان يالعاطلين ارضوا بهالوظائف ..

وثاني شي ونا خوك ... ترى شركات القطاع الخاص لعلمك بس ..

ان فيها اقسام يقبلون فيها اصحاب الشهادت الثانوية ! ركز بـ " الثانوية !! " وبـ رواتب من 3000 الاف ريال ..

يعني ونا خوك لا تخلي طموحك انك تتخرج من الثانوي والجامعه وتختبر القياس ثم مسرع على وظيفة حكومية ..

مثل مانقول .. طقطق بالبداية على وظيفة قطاع خاص سنة سنتين .. وصدقني عقبها بيكون كسبت خبرة عمل ومنها بتجيك وظائف مناسبة لشغلك اللي اشتغلته وبراتب اعلى ... وعلى كذا ..

وصدقني والله ان خبرتك راح تنقلك وقتها من شغلتك اللي بالقطاع الخاص واللي كنت تستلم فيها مثلا 4000 ريال الى وظيفة حكومية بـ 8000 الاف ريال ! وهالشي والله انه حصل مع كذا موظف اعرفه شخصيا ..


لكن وين اللي يدور ويعطي وقته شوي لهالشغل لجل يرتاح ويلقى مايرضيه ان شاءالله بالقريب العاجل ..



تحياتي لك ..