الغالي ابو ساره

الكثير يستغرب وأنت أولهم كيف كان الهلال بداية البطولة مستنفر مع جميع الجهات .. وحينما أتى وقت الحصاد تغير الأمر وأصبح الأمر تقريباً هو التفريط بالبطولة على حساب بطولة أخرى أهم .. ومعترفه أيضاً وتؤهل للمشاركة في بطولات خارجية .. عكس البطولة العربيه .

لكن المشكله اللي حصلت هي ضغط المباريات وطريقة الجداول والتسيق بين الإتحادات المحلية والإتحاد العربي .. الهلال إنضغط بالمباريات بشكل غير طبيعي .. والله لو إن لاعبينا مكاين كان وقفوا (الله لا يضرهم )

أعتقد بهالحاله ممكن نعذر الإدارة والمدرب بعد

الشيء الوحيد اللي حزّ في خاطري الحضور الجماهيري الغير طبيعي !!

صدقني نسبة كبيرة منهم طاحت عزومها .. وممكن ماتحضر النهائي يوم الجمعه بسبب هالمباراة ... كنت أتمنى فقط من أبو سلطان قبل المباراة أن لايطالب الجمهور بالحضور المؤازرة دام أنه عارف ان الفريق عقيم فنياً .. ولا هجمه كل المباراة !!



الجمهور حضر .. ولكن على غير سنع .. أغلبهم ندم للأسف .. أنا بهالكلام ما أقصد إني أنفر الجمهور من الحضور .. بالعكس حنا نساند الهلال لأنه الهلال ولا تهمنا الأسماء ... لكن بهالشكل صعبه شوي .. فالنتيجة مُسَلَم فيها من قبل المباراة وأغلب الحاضرين ماكانوا يدرون عن التشكيلة لأن معظمهم مالهم علاقة بالنت مثل ماحنا نتصور .

عموماً .. الوضع صار صعب جداً بالنسبة للعربيه .. وانا والله أشك في موضوع التأهل وأحياناً يصل الأمر إني أقول مستحييييل .. لكن ماعلى الله شيٍ بعيد

عوافي ابو ساره ... ونشوفكم الجمعه في الملعب أنت وجماهير الأزرق الكبيره لنحتفل بالذهب قل آمين .