نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - قدر الله وماشاء فعل (عبدالرحمن بن مساعد خط أحمر )

الذئب الهلالي999 · #15 14/03/2012, 11:25 AM

إقتباس

الرسالة الأصلية كتبت بواسطة مدالله الرويلي


	الامير عبدالرحمن عمل اكثر منك انت وياه الامير خط احممرررررر لن نرضى ابدا ان يتكلمو عليـه [email protected]

قل قسم !!

أمس اتحفنا بن مساعد بمشروع استثماري كبير

شوفوا الخبر

رئيس الهلال يطرح فكرة استثمارية بإنشاء متحف في مقر النادي يتم وضع فيه الكؤوس ويتاح للجماهير التصوير معها برسوم محددة
_______________

هذا اللي جيدين فيه تجمعون فلوس وتضيعونها بدون فايده بلاعبين مثل العربي وايمانا والكوري
وماأخذ لاعبين من المغرب نص المباريات المهمه مانستفيد منهم هذا التخطيط ولا بلاش

اذا الرئيس ما يبي يغير سياسته ويلتفت للصفقات المحليه القويه ويقوي الفريق ويجيب لنا لاعبين اجانب زي الناس
يعطي الفرصه لغيره خلاص (( الهلال غني برجالاته )) يكفي اربع سنوات مهزله في اسيا ابرزها ثلاثة الاتحاد

يا ابن مساعد ما قصرت ولكن اعطي غيرك فرصه
اللي ما جاب اسيا في اربع سنوات ولا استفاد من اخطاءه هل من المعقول تنتظرون يجيبها لكم بعد كل هالسنوات؟!!!

وعشان تعرفون انه هالاداره اداره ملايين واستثمار وفلوس :
لما يطلب القادسيه في الشهراني 15 مليون على دفعتين ويرفض الرئيس بحجة ان اللاعب صغير وما يستاهل هالمبلغ
ويقول انه اذا عطينا الشهراني 15 مليون كم راح نعطي للعابد والفريدي !!!!!
وبعدها يروح يجيب لاعب اجنبي فاشل عمره 25 بمبلغ يزيد عن 45 مليون !!!!!!!!
وش هالتناقض؟؟؟؟؟؟؟؟؟؟؟؟؟

السر : لانه الدعوه بالنادي صايره كلها استثمار
اللاعب المحلي اذا اشتريت عقده ب 15 ولا 20 مليون راح يكون هدفك فقط تقوية الفريق فنيا بس ما راح يجيب لك ملايين
عشان كذا تشوفون انه مانجيب الا ابو ريالين من طقة الخالدي ووليد الجيزاني وكعبي !! عن قولة انه ترى سوينا صفقات محليه

لكن لما جد الجد وجات سيرة صفقه مثل صفقة حسن معاذ شفنا سامي شلون طلع بتويتر وفضح حسن معاذ قدام ادارة ناديه !!!!
هذا مو شي غريب؟!!!!! يعني سامي مثلا ما يقدر يسكت الى ما ينتهي عقد اللاعب او يدخل ال6 شهور ويتفاوضون معه؟؟
ولكن طلعته قدام الكل وفضحه للاعب امام الجميع اثبات واضح انه الاداره ما عندها نيه تقوي الفريق وتدقع ملايين بلاعب محلي

طبعاً الاداره لها محاسنها الكثيره ولكن اهم شي بالرئيس الناجح دعمه الفريق بلاعبين محليين اقوياء
وهذا للاسف اللي ما شفناه ولا راح نشوفه برئاسة الامير عبدالرحمن
والقهر يطلع يستفز الجمهور يقول ((( احد عنده نامي والزوري ويدور على اظهره !!!!! ))))

وطبعا فيه اشياء ثانيه كثيره ما تكلمت عنها في رئاسة الامير عبدالرحمن
ولعل ابرزها انه لاعبينا صاروا ملطشه للاعلام وروؤساء الانديه وهو جالس يتفرج
ياسر انحاش للامارات و رادوي قال ما ابي اجدد من اللي شافه من بلاوي
وشاف برود الاداره وعدم دفاعها عن اللاعبين ومثاليتها الزايده

بينما لو شفنا لاعب مثل حسين عبدالغني وما يفعله ومع هذا ابن امه يتكلم عليه
والسبب واضح لانه وراه ادارة نادي تقف خلفه وتدعمه ورئيسهم وراه اعلام يقف مع لاعبينه حتى لو كان غلطان
اما للاسف الامير عبدالرحمن نصف لاعبينا انحاشوا ونزلت مستوياتهم وهو يتفرج عليهم !!!

هذا رد يمكن ما يعجب الكثير لكن لو قريته زين راح تعرف انه واقع

اتمنى من كل قلبي رئيس جديد قادم للهلال
نبي رئيس يملك صفات محمد بن فيصل اللي يدوس للهلال على طرف يشلعه من مكانه ويطيره